Əlikram Xurşudov
Bakı/24.11.17/Turan: Şirvan Şəhər Məhkəməsi Müsavat Partiyasının yerli təşkilatının sədri Əlikram Xurşidov barəsində 3 aylıq həbs qətimkan tədbiri seçib. Qərar bu gün, noyabrın 24-ü verilib.
Bu haqda Turana müsavatçının vəkili Nemət Kərimli məlumat verib.
N.Kərimli bildirib ki, müdafiə etdiyi şəxs qərarla razılaşmır. Ona görə də yaxın günlərdə qərardan apellyasiya şikayəti veriləcək.-0-
* * *
2017 Noyabr 24 (Cümə) 21:18:59
Müsavatçını xuliqanlıqda ittiham edirlər
Bakı/24.11.2017/Turan: Müsavat Partiyası Şirvan şəhər təşkilatının sədri Əlikram Xurşudova Cinayət Məcəlləsinin 221.2.2-ci (xuliqanlıq, ictimai qaydanı qorunması üzrə vəzifəni yerinə yetirən hakimiyyət nümayəndəsinə müqavimət göstərməklə törədildikdə) və 221.3-cü (xuliqanlıq, silah və ya silah qismində istifadə edilən əşyaları tətbiq etməklə törədildikdə) maddələrilə ittiham irəli sürülüb. Bunu Ə.Xurşudovun vəkili Nemət Kərimli bildirib.
Vəkil polis şöbəsində Ə.Xurşudovla görüşdüyünü söyləyib və hadisənin təfərrüatı ilə bağlı aşağıdakları bildirib: "Ə.Xurşudov bir evdə usta kimi işləyirmiş, noyabrın 22-də işin sonuna yaxın ev sahibi evə gəlib və Ə.Xurşudovu ailəsinə sataşmaqda ittiham edib, mübahisə yaranıb, sonra daha iki nəfər evə gəlib, Ə.Xurşudova fiziki təzyiq göstəriblər. Sonra isə hadisə yerinə polis gəlib və polis də Ə.Xuşudovu ona müqavimət göstərməkdə və ayağını əzməkdə ittiham edib".
N.Kərimli deyir ki, bundan sonra Ə.Xurşudovu polis şöbəsinə aparıblar, noyabrın 23-ü səhərə yaxın saat 4-də dindiriblər və vəkil bu fktın öüzünü bu işdə "xüsusi maraq" olması kimi dəyərləndirir.
Vəkil deyir ki, Ə.Xurşudov ev sahibilə mübahisənin doğru olduğunu deyir, qalan bütün hadisələri şər-böhtan adlandırır.
Xatırladaq ki, Ə.Xurşudov noyabrın 22-si axşam saatlarında polis tərəfindən saxlanılaraq polis şöbəsinə gətirilib. Onun saxlanması səbəbləri barədə hər hansı açıqlama verməyib. Yalnız partiyanın rayon fəallarına "məhkəmədə bilərsiniz" cavabı verib.
Müsavat Partiyasından isə bildiriblər ki, Ə.Xurşudov Şirvan şəhərində vətəndaşların inzibati üsulla "Yeni Azərbaycan" Partiyasına üzv qəbul edilməsi ilə bağlı sosial şəbəkədə statusla çıxış edib və buna görə saxlandığını ehtimal edirlər.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz