Açiq mənbələrdən foto.
Bakı/11.05.23/Turan: "Müsəlman Birliyi" Hərəkatının fəalı, narkotik maddələrin qanunsuz dövriyyəsində ittiham olunan Samir Babayev məhkəmədə bildirib ki, saxlanıldıqdan sonra ona işgəncə verilib.
Mayın 11-də Bakı Ağır Cinayətlər Məhkəməsində Babayevin ifadələri dinlənilib. Onun yaxınları Turan-a bildiriblər ki, Babayev ötən il dekabrın 2-də səhər Maştağa qəsəbəsində saxlanılıb. O, öz avtomobilindən çıxaraq potça gedib, maşına qayıdanda onu tutub polisə aparıblar.
Orada onun cibinə üç paket narkotik maddə qoyublar və tələb ediblər ki, videokameranın qarşısında onları cibindən çıxarsın və ona aid olduğunu söyləsin. Lakin o, imtina edib, bundan sonra onu döyməyə başlayıblar.
Kamera qarşısında Babayevdən etiraf ala bilməyincə, iki "şahidin" iştirakı ilə şəxsi axtarış aparıblar. İstintaqın məlumatına görə, Babayevdə ümumi çəkisi 9,695 qram olan üç paket metafmetamin tapılıb.
Babayevə qarşı Cinayət Məcələsinin 234.4.3-cü maddə ilə (külli miqdarda narkotik maddə alveri) ittiham irəli sürülüb. Onu 5 ildən 12 ilədək həbs təhlükəsi gözləyir.
Müdafiə tərəfi hesab edir ki, Babayevin günahına dair səhih dəlillər yoxdur. Avropa İnsan Hüquqları Məhkəməsinin presedent qərarlarına görə, şübhəli şəxsin üzərində axtarış saxlanma yerində aparılmalıdır. Çünki əks halda, saxlanılan şəxs polisin nəzarəti altında olur və narkotik maddəin onun üzərinə qoyulması ehtimalı yaranır. Növbəti məhkəmə iclası 7 iyun saat 14:00-a təyin edilib.
Samir Babayev Azərbaycan Siyasi Məhbusların Azadlığı Uğrunda İttifaq tərəfindən siyasi məhbus kimi tanınıb. İttiham tərəfi şərh üçün əlçatan olmayıb.
"Müsəlman Birliyi" Hərəkatı dindarların hüquqlarının pozulmasına və dini hüquqların məhdudlaşdırılmasına görə ölkə hakimiyyətini tənqid edən müxalifətyönlü dini təşkilatdır.
Hərəkatın lideri Taleh Bağırzadə 2016-cı ildə konstitusiya quruluşunu devirməyə çağırış, qanunsuz silah saxlamaq və digər ittihamlarla 20 il müddətinə azadlıqdan məhrum edilib.
Hərəkatın bir neçə digər üzvü də oxşar maddələrlə mühakimə edilib. Onların hamısı siyasi məhbus kimi tanınıb. 06B
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz