Nadir Səlifovun vəkilləri həbsxana rəhbərliyinin özbaşınalığından şikayətlənir

Məşhur kriminal avtoritet, “lotu Qulu” ləqəbli Nadir Səlifovun vəkilləri cümə günü Beynəlxalq Media Mərkəzdə mətbuat konfransı keçiriblər.

Vəkillər Kamandar Nəsibov, Təranə Əliyeva və Gülnarə Xudabaxışova xatırladıblar ki, müvəkkilləri 8 saylı cəzaçəkmə müəssisəsində cəza çəkirlər.

O, cəzaçəkmə müəssisəsinə girişdə aparat vasitəsilə adi ümumi baxışdan başqa, əlavə yoxlanışa məruz qalırlar.

Kamandar Nəsibovun sözlərinə görə, bu halda şahidlərin iştirakı ilə protokollar tərtib olunmalı idi. Qadın vəkillərin üzəri kamera olmayan otaqda yoxlanılıb ki, bu da hüquqa ziddir.

Səlifovun vəkillərinə qarşı bu sərtləşdirilmiş rejim noyabrın 1-dən tətbiq olunur, deyə Gülnarə Xudabaxışova bildirib. “Bizi kamera olmayan ayrıca otaqda yoxlanışa cəlb etmək və hətta soyundurmaq istəyirdilər”, deyə o bildirib.

Bununla əlaqədar olaraq, 8 saylı cəzaçəkmə müəssisəsinin sədri Murtuz Sadıqovun adına sorğu göndərilib. Sorğuya qəribə cavab verilib ki, vəkillərə məhbusun qohumları ilə eyni qaydada yoxlayıblar.

“Biz Nadir Səlifovun qohumu deyilik, biz onun vəkilləriyik və buna görə cəzaçəkmə müəssisəsi rəhbərliyinin əməlləri qanunsuzdur”, deyə Xudabaxışova bildirib.

Onun sözlərinə görə, noyabrın 1-dən etibarən vəkillər müvafiq qurumlara, hətta prezident administrasiyasına müraciət ediblər, lakin heç bir reaksiya yoxdur.

Vəkillər həmçinin bildiriblər ki, müvəkkillərinin doğma qızını onun yanına buraxmırlar. Nadir Səlifov özü iddia edir ki, indiyədək hələ də ikinci dəfə niyə mühakimə edildiyini başa düşməyib.

Qeyd edək ki, Səlifov zorlama ittihamı ilə uzunmüddətli həbs cəzası alıb. Maraqlıdır ki, “cinayət” həbsxanada törədilib. Belə ki, 2007-ci ildə həbsxanaya Səlifovun yanına tanışı gəlib, sonradan o, zorlandığı barədə bəyanat yazıb. Səlifov yeni cəza alıb və 2012-ci ilədək həbsdə qalmalıdır.

Versiyalardan birinə görə, o, jurnalist Elmar Hüseynovun qətli sifarişini öz üzərinə götürməkdən imtina etdiyi üçün cəzalandırılıb. -0-