Nəsli kəsilməkdə olan heyvanlar üçün ekoloji dəhlizlər
Bakı/07.02.20/Turan: Azərbaycanda həyata keçirilən Eco-Corridor Fund for the Caucasus layihəsi heyvanların sərbəst miqrasiyası üçün xüsusi mühafizə olunan təbiət əraziləri arasında dəhlizlərin yaradılmasına yönəlib.
Azərbaycandan əlavə, layihə Gürcüstan və Ermənistanda da həyata keçirilir və bütün Qafqazın biomüxtəlifliyinin qorunması üçün çox vacibdir. Yaxın vaxtlarda Rusiyanın cənub hissəsini də əhatə edəcək.
Ümumdünya Təbiəti Mühafizə Fondu (WWF) layihəsi 2001-ci ildə başlayıb. 2006-cı ildə proqram daha aktiv mərhələyə keçib.
Aparılan işlər zamanı bu ərazidə 360 növ heyvanın nəsli kəsilmək həddində olduğu məlum olub. Hər şey qaydasında gedərsə, 160 növ heyvanın çoxalma üçün qorunub saxlanması mümkün olacaq. Qafqaz üçün təbiəti mühafizə işlərinin aparılmasından ötrü 230 ərazi müəyyən edilib.
Layihənin əhəmiyyəti ondan ibarətdir ki, əhalinin həyat səviyyəsinin saxlanması üçün sosial və iqtisadi tədbirlərin elementlərini də əhatə edir.
Azərbaycana gəlincə, söhbət yay otlaqları və kompensasiyalardan gedir ki, fermerlər ev heyvanlarını orada otarmasınlar. Eyni zamanda onlar pul kompensasiyası alır.
Müqavilə bağlanan kimi pul fermerin bank hesabına köçürülür. Ancaq həmin şəxs bütün məbləğdən istifadə edə bilməz: hər ilin sonunda ərazinin istismar olunmadığını sübut edən monitorinqdən sonra fermer bütün məbləğin 10% -ni çıxara bilər. Və bu on il ərzində davam edir.
Hazırda Azərbaycanda 12 icma ilə - Qubada (dördü Qonaqkənd qəsəbəsi ətrafında, daha dördü Xınalıq kəndi ətrafında) müqavilələr bağlanıb.
Daha dörd kənd Qaxda, İlisu kəndi yaxınlığındadır. Gələcəkdə WWF Naxçıvanda da bir neçə icma cəlb etməyi planlaşdırır.
Bu günədək görülən işlər və gələcək perspektivlər bu gün Bakıda keçirilən konfransda WWF nümayəndələri tərəfindən təqdim edilib.-02D-
-
- Enerji
- 7 Fevral 2020 11:44
-
- İqtisadiyyat
- 7 Fevral 2020 13:13
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz