Açiq mənbələrdən foto.
Bakı/12.03.21/Turan: Martın 13-dən Bakı və Abşeronun bir sıra yaşayış məntəqələrində Novruz bayramı ilə əlaqədar yarmarkalar açılacaq.
Bakının Nərimanov, Binəqədi rayonları və Xırdalan şəhəri ərazisində açılan “Kənddən-şəhərə” adlı yarmarkalar martın 19-dək davam edəcək.
Kənd Təsərrüfatı Nazirliyinin məlumatına görə, yarmarkaların təşkilində məqsəd Novruz bayramı ərəfəsində kənd təsərrüfatı məhsullarına artan tələbatı yerli və daha faydalı məhsullarla ödəmək, yerli fermerlərə şərait yaratmaqdır.
30-dan artıq regiondan gələcək 100-dən çox fermer 60-a yaxın çeşiddə kənd məhsullarının satışını həyata keçirəcək. Yarmarkalarda ancaq daha ucuz qiymətə yerli məhsullar satılacaq.
Nazirliyin məlumatına görə, yarmarkaların təşkili və fəaliyyəti zamanı karantin rejiminin qaydalarına əməl olunacaq.
Qeyd edək ki, 2009-cu il sentyabrın 30-da Novruz bayramı YUNESKO-nun qeyri- maddi mədəni irs siyahısına daxil edilib.
Novruz azərbaycanlıların milli bayramıdır. Bayram hər il martın 20-21-də el şənlikləri ilə qeyd olunur.
Bu il Novruz bayramı ilə əlaqədar beşgünlük iş həftəsində çalışanlar üçün 9 gün iş olmayacaq.-0-
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz