Oqtay Gülalıyev. Açiq mənbələrdən foto.
Bakı/21.10.20/Turan: Hüquq müdafiəçisi Oqtay Gülalıyevi avtomobil vurması ilə bağlı iş üzrə ibtidai istintaq başa çatıb və iş Bakı şəhəri Nəsimi Rayon Məhkəməsinə göndərilib. İş üzrə hazırlıq iclası hakim Azər Tağıyevin sədrliyi ilə oktyabrın 30-u saat 11:30-a təyin edilib. Bu barədə Turan-a O.Gülalıyevin ailəsini təmsil edən vəkil Fuad Ağayev bildirib.
İş üzrə təqsirləndirilən şəxs qismində taksi sürücüsü Kənan Abdullayev cəlb edilib. İlkin olaraq ona Azərbaycan CM-in 263.1-ci maddəsi (ehtiyatsızlıqdan zərərçəkmiş şəxsin sağlamlığına zərər vurulmasına səbəb olan yol hərəkəti qaydalarının pozulması) ilə ittiham irəli sürülüb, lakin indi onu 263.1-1-ci maddə ilə ittiham edirlər. Bu maddə zərər çəkmiş şəxsin sağlamlığına ağır zərərin vurulmasını nəzərdə tutur. Birinci maddə üzrə maksimum cəza iki ilədək, ikinci üzrə üç ilədək azadlıqdan məhrumetmədir.
Xatırladaq ki, 2019-cu il oktyabrın 29-da yol-nəqliyyat hadisəsi nəticəsində O.Gülalıyev kəllə-beyin travması alıb və bir neçə saatdan sonra komaya düşüb. Əməliyyat növbəti gün həyata keçirilib və mütəxəssislərin rəyinə görə, bu müddətdə beyin qanaxma artıb.
Sonradan Heydər Əliyev Fondunun köməyilə Türkiyəyə müalicəyə göndərilib və orada daha bir neçə əməliyyat keçirilib. Fəalın sağlamlığında müsbət dinamikaya baxmayaraq, hələ də huşu özünə gəlməyib.06D-
Cəmiyyət
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
Rəy yaz