Bakı/04.11.19/Turan: Hüquq müdafiəçisi Oqtay Gülalıyevin vəziyyəti ağır olaraq qalır. Bu barədə bazar ertəsi onun xanımı bildirib.
“Həkimlər sağlıq durumunu ikinci dərəcəli, yəni ağır koma kimi dəyərləndirirlər. Başında böyük şiş qalır ki, bu da sağalma prosesini çətinləşdirir. Həkimlər 7-ci, 9-cu və 14-cü günləri kritik günlər kimi dəyərləndirirlər. Onlar Oqtayı xilas etmək üçün mümkün olan hər şeyi edirlər”, - o bildirib.
Xatırladaq ki, O.Gülalıyev oktyabrın 29-da maşın vurmasından sonra başından ağır xəsarət alıb. Başı zərbə ilə asfalta dəydiyindən kəllə-beyin travması alıb və beyninə qan sızıb.
Oktyabrın 30-da həkimlər hematomanın götürülməsi üçün onu əməliyyat ediblər.06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz