Açiq mənbələrdən foto.
Bakı/21.04.21/Turan: Aprelin 21-də Səbayel rayon hakimi Ağamalı Qafarovun sədrliyilə Apellyasiya Məhkəməsinin binasında 2020-ci il iyulun 14-15-də orduya dəstək nümayişində iştiraka görə həbs edilmiş bir qrup fəalın işi üzrə proses davam edib.
Müttəhimlərin arasında Xalq Cəbhəsi Partiyasının dörd üzvü, Müsəlman Birliyi Hərəkatının iki üzvü və daha altı nəfər var.
Bugünkü iclas zamanı beş şahid və iki zərərçəkmişin ifadələri dinlənilib.
Müdafiə tərəfinin bildirdiyinə görə, bəzi şahidlərin ifadələri qanun pozuntusu ilə alınıb (onları polis bölməyəndə saxlayarkən). Onlar vəsatət qaldırıblar ki, bu ifadələr nəzərə alınmasın. Ancaq məhkəmə müdafiə tərəfinin xahişini qəbul etməyib. Bu barədə jurnalistlərə AXCP sədrinin müavini və müttəhimlərdən biri Fuad Qəhrəmanlı bildirib.
Növbəti məhkəmə iclası aprelin 28-də olacaq.
Xatırladaq ki, müttəhimlər ictimai asayişi pozmaqda, əmlaka ziyan vurmaqda və hakimiyyət nümayəndələrinə qarşı zorakılıqda ittiham olunurlar.
Bu iş üzrə 37 təqsirləndirilən şəxs və 22 zərərçəkən var. Ötən ilin noyabrında bütün şübhəlilər polis nəzarəti altına buraxılıblar.
* İyulun 14-də axşam Bakıda Qarabağın azadlığı uğrunda müharibə tələbilə çoxminlik kortəbii nümayiş başlayıb. Yürüş bütün gecə davam edib və 15 iyul səhər erkən başa çatıb. Nümayişçilərin bir hissəsi parlamentin binasına daxil olub və binaya ziyan vurub.-03-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz