Орхан Бахышлы
Bakı/26.11.18/Turan: Bu gün Bakı Apellyasiya Məhkəməsində Xalq Cəbhəsi Partiyasının (AXCP) gənclər komitəsinin üzvü Orxan Baxışlının işi üzrə hazırlıq iclası keçirilib.
İclasda vəkil Elçin Sadıqov beş vəsatət qaldırıb. O, məhkəmədən şikayətə təkrar məhkəmə istintaqı ilə baxılmasını, guya Baxışlıya məxsus olan narkotik maddənin ekspertizasının təyin edilməsini, bu iş üzrə hal şahidlərinin başqa işlərdə iştirak edib-etmədiyinin, Bakı Polis İdarəsinin qeydiyyat kitabında fəalın üzərində narkotik olması haqqında məlumatın olub-olmadığının müəyyənləşdirilməsini xahiş edib. Vəkillər həmçinin qapalı iclasda Baxışlının üzərində narkotik olması haqqında operatif məlumatı verən şəxslərin dindirilməsini xahiş ediblər.
Dövlət ittihamçısı Ramiz Allahverdiyev vəsatətlərə etiraz edib.
Hakim Həsən Əhmədov vəsatətləri təmin etməyib və mahiyyəti üzrə dinləmələri dekabrın 10-na təyin edib.
Xatırladaq ki, Baxışlı mayın 6-da saxlanılıb, polis onun üzərində 6 qr heroin aşkar edildiyini bildirib. Fəal özü ittihamları təkzib edib, narkotiki onun üzərinə polisin özünün atdığını bildirib. Sentyabrın 18-də məhkəmə onu 6 il müddətinə azadlıqdan məhrum edib.
Həbsindən bir neçə gün əvvəl - mayın 3-də Ümumdünya Mətbuat Azadlığı Günü ilə əlaqədar jurnalist Elmar Hüseynovun qəbri başında Baxışlı jurnalistin qətlində ölkə hakimiyyətini ittiham edib. Həmkarlarının fikrincə, onun həbsinə məhz bu səbəb olub. Hüquq müdafiəçiləri Baxışlını siyasi məhbus kimi tanıyıblar. -06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz