Açiq mənbələrdən foto.
Bakı/20.05.20/Turan: Koronavirus pandemiyası başlanandan Ədliyyə Nazirliyi yanında İctimai Komitənin müraciətləri əsasında məhkəmələr 1020 məhbusu vaxtından əvvəl həbsdən azad ediblər. Onlardan 809 nəfəri şərti olaraq vaxtından əvvəl azad edilib, 211 nəfəri məntəqə-koloniyaya köçürülüb. Bu barədə Turan-a “Cəmiyyətin və Vətəndaş Münasibətlərinin İnkişafı” İctimai Birliyinin sədri Əhməd Abbasbəyli bildirib.
Onun sözlərinə görə, müraciətlər çoxdur, lakin vaxtından əvvəl azad edildikdə törədilmiş cinayətin xarakteri və cəzanın çəkilmiş hissəsi nəzərə alınır.
Qeyd edək ki, son aylarda bəzi ictimai-siyasi xadimlər, hüquq müdafiəçiləri hakimiyyətə müraciət edərək cəzasının böyük hissəsini çəkmiş məhkumları, o cümlədən siyasi məhbusları azad etməyə çağırıblar.
Lakin Siyasi Məhbusların Monitorinqi Mərkəzinin rəhbəri Elşən Həsənovun sözlərinə görə, vaxtından əvvəl azadlığa buraxılanlar arasında siyasi məhbus yoxdur.
“Pandemiya dövründə azadlığa buraxılma məsələsində ayrı-seçkilik var. Bu tədbirlər siyasi məhbuslara şamil edilmir. Belə ki, “Səid Dadaşbəyli” qrupundan üç siyasi məhbusun həbs müddətin bitməsinə iki aydan az vaxt qalır, lakin onları buraxmırlar, baxmayaraq ki, pozuntuya yol verməyiblər. Onlar müraciət ediblər, amma məhkəmələr imtina ediblər.
Hətta daha az ağır cinayətlərə görə məhkum olunmuş Qarabağ müharibəsi veteranlarına qarşı da ayrı-seçkilik tətbiq edilir”, - E. Həsənov qeyd edib.
Onun sözlərinə görə, Nardaran hadisələri üzrə mühakimə olunmuş 65 yaşdan yuxarı iki məhbus azad edilib.-03B06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz