Bakı/06.02.20/Turan: Bir həftədən çoxdur Azərbaycanda bir sıra müxalif xəbər saytı bloklanmış olaraq qalır.
Belə ki, yanvarın 31-də Müsavat Partiyasının, partiyanın gənclər təşkilatının Facebook-dakı səhifələri və Basta qəzetinin saytı haker hücumuna məruz qalıb.
İndiyədək Basta saytı bloklanmış olaraq qalır, deyə fevralın 6-da saytın redaktoru və Müsavat Partiyasının mətbuat katibi Mustafa Hacıbəyli bildirib.
Onun sözlərinə görə, fevralın 3-də sayta girişi qısa müddətlik bəpa etmək mümkün olub, amma elə həmin gün sayt haker hücumundan sonra yenidən bloklanıb.
Bir neçə gündür Sumqayıtın "Yüksəliş naminə" nəşrinin saytı da bloklanmış olaraq qalır. Saytın redaktoru Elçin Məmməd deputatlığa namizəddir. Onun iddiasına görə, nəşrin saytı Sumqayıtda hüquq pozuntuları və korrupsiya haqqında tənqidi materialların nəşrindən sonra bloklanıb.
Bütün bu hallarda dövlət orqanları saytların bloklanması ilə əlaqələrinin olmadığını bildirirlər. -02B-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz