PFL prezidenti və əməkdaşları Ağdam-Xankəndi yolunda ağır qəzaya düşüb
Bakı/16.12.23/Turan: Azərbaycan Peşəkar Futbol Liqasının (PFL) əməkdaşları Ağdam rayonunda mikroavtobusda qəzaya düşüb.
TƏBİB-dən verilən məlumata görə, qəzada altı nəfər xəsarət alıb. İki nəfərin vəziyyəti ağır, iki nəfərin vəziyyəti orta ağır, digər iki nəfərin vəziyyəti isə stabil olaraq qiymətləndirilir. Xəsarət alanlar əvvəlcə Bərdə xəstəxanasına aparılıb, oradan isə Bakıda özəl tibb müəssisəsinə təxliyə edilib.
Xəsarət alanlar arasında PFL prezidenti Elxan Səmədov da var.
Nümayəndə heyəti Azərbaycan Futbol Kubokunun "Qarabağ" və MOİK (Mərkəzi Ordu İdman Klubu) arasında dekabrın 21-də keçirilməsi planlaşdırılan 1/8 final maçına hazırlıq üçün Xankəndinə gedirdi. 06В
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz