Polad Aslanov. Açiq mənbələrdən foto.
Bakı/16.02.21/Turan: Xeberman.com saytının redaktoru Polad Aslanov 17-ci gündür ki, aclığı davam etdirir.
Jurnalistin xanımı bildirib ki, dünən və bu gün ondan analiz üçün qan götürüblər.
"Bu gün təzyiqini ölçdülər, amma göstəriciləri söyləmədilər. Polada deyiblər ki, 1-2 gündən sonra onu cəzaçəkmə müəssisəsinə köçürəcəklər.
Uzun müddət aclıq etməsinə baxmayaraq, onu təcrid etməyib və o, kamerada digər məhbuslarla birlikdədir ", - Gülmirə Aslanova bildirib.
O qeyd edib ki, fevralın 15-də Bakı Apellyasiya Məhkəməsinə prosesə göndərilməzdən əvvəl Poladın məhkəmədə son sözünün mətnini və ABŞ prezidenti Co Baydenə məktubunu əlindən alıblar.
O, Baydenə məktubunda ABŞ prezidentindən onu və digər 150 siyasi məhbusu müdafiə etməyi xahiş edir, P.Aslanovun xanımı deyib.
* Noyabrın 16-da xeberman.com saytının təsisçisi Polad Aslanov məhkəmə tərəfindən İranın xeyrinə casusluqda təqsirli bilinərək 16 il müddətinə azadlıqdan məhrum edilib. Dövlət ittihamçısı onun 17 il müddətinə həbs edilməsini istəyib.
P.Aslanov 12 iyun 2019-cu ildə həbs edilib və CM-in 274-cü maddəsi (dövlətə xəyanət) ilə ittiham olunub. İstintaq iddia edir ki, P.Aslanov jurnalist həmkarlarını cəlb edərək onları İran xüsusi xidmət orqanları ilə əməkdaşlığa sövq edib.
P.Aslanov bütün ittihamları rədd edib, xüsusi xidmət orqanları işçiləri tərəfindən korrupsiya hallarının ifşa olunmasına görə təqib edildiyini bildirib. Beynəlxalq təşkilatlar onun həbsini pisləyib, P.Aslanovu azad etməyə çağırıblar.
Fevralın 1-də P.Aslanovun apellyasiya şikayətinə baxılması başlayıb. İclas zamanı o, prosesin obyektivliyinin təmin olunmasını tələb edərək aclıq elan edib.
Fevralın 15-də Bakı Apellyasiya Məhkəməsi Polad Aslanovun şikayətini təmin etməyib və hökmü qüvvədə saxlayıb.16B06-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz