Açiq mənbələrdən foto.
Bakı/25.11.21/Turan: Noyabrın 25-də Daxili İşlər Nazirliyi Baş Mütəşəkkil Cinayətkarlıqla Mübarizə İdarəsi narkotik maddə alverçilərinə qarşı əməliyyat keçirib.
Daxili İşlər Nazirliyinin mətbuat xidmətindən Turan-a verilən məlumata görə, reyd zamanı Masallı sakini Fərhad Nuroğlu və Bakı sakini Ramin Qurbanov saxlanılıblar.
Ramin Qurbanovun mənzilində axtarış zamanı 31 kiloqram müxtəlif növ narkotik vasitə: 22 kiloqram heroin, 7 kiloqram metamfetamin, 2 kiloqramq tiryək aşkar edilib.
Müəyyən edilib ki, narkotik maddələr xaricdən gətirilib. Narkotik maddə alverçiləri onlarla əlaqəni sosial şəbəkələrdə yaradıblar. Bundan sonra Fərhad Nuroğlu İranla sərhəd Yardımlı rayonunda narkotik maddə partiyasını onlardan alıb və Bakının Qaradağ rayonunda Ramin Qurbanova təhvil verib. Narkotik maddə alverçiləri bu böyük narkotik maddə partiyasını paytaxtda satmağı planlaşdırıblar.
Faktla bağlı cinayət işi açılıb, hər iki saxlanılan şəxs məhkəmənin qərarı ilə həbs edilib, həmin mənbə bildirib. -0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz