Açiq mənbələrdən foto.
Bakı/05.08.21/Turan: Avqustun 5-də bir qrup gənc fəal Xəzər Rayon Polis İdarəsinin binasına gəlib və ötən gün feministlərə fiziki təzyiq göstərmiş əməkdaşların cəzalandırılmasını tələb edib.
Xatırladaq ki, avqustun 4-də bir qrup feminist Xəzər polisinin binasının qapısına boya tökərək Zirə qəsəbəsinin sakini Sevinc Məhərrəmovanın məişət zorakılığı zəminində əri tərəfindən qətlə yetirilməsilə bağlı polisin fəaliyyətsizliyinə etiraz ediblər. Aksiya iştirakçıları saxlanılıb və sonradan polisdə məruz qaldıqları təzyiqlər barədə danışıblar.
Bu gün bir qrup gənc fəal polis əməkdaşlarının cəzalandırılmasını tələb edib. Onların qarşısına çıxan polis mayoru ittihamları təkzib edib. Mayor bildirib ki, aksiya iştirakçılarının hərəkətlərində "xuliqanlıq əlamətləri" olub, lakin onların barəsində heç bir tədbir görülməyib.
Mayor Məhərrəmovanın işilə bağlı polisin fəaliyyətsizliyini inkar edib. Onun sözlərinə görə, polis araşdırma aparıb və işi məhkəməyə verib. Zabit etirazçıların təzyiqi qarşısında özünü təmkinli aparıb.
Polis əməkdaşları öncə fəalları binadan sıxışdırıblar. Eyni zamanda gənclər "Qatil sistem qatili qoruyur!” şüarını səsləndiriblər. Sonra onlar binanın girişində Daxili İşlər Nazirliyinin embleminin üzərinə qırmızı boya töküblər və dağılışıblar. Saxlanılan olmayıb.-06B-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz