Bakı/02.09.19/Turan: Paytaxt polisinin "ictimai əxlaq" uğrunda mübarizənin gücləndirilməsi kampaniyası hüquq nöqteyi-nəzərdən şübhə doğurur. Bu fikri Turan-ın müxbiri ilə söhbətində hüquq sahəsində ekspert, vəkil Əsabəli Mustafayev Bakı polisinin paytaxtın mərkəzində əxlaqsızlıq təzahürlərinə qarşı mübarizə başlaması haqqında bugünki bəyanatını şərh edərkən bildirib.
Qanunvericilikdə "ictimai əxlaq" və "ictimai mentalitet" anlayışı yoxdur və bu anlayışların qiymətləndirilməsi subyektivdir.
"Polisin avtoxuliqanlığa qarşı mübarizə aparması aydın məsələdir, çünki qanunvericilikdə belə bir hüquqpozma var. Amma "ictimai əxlaq" və ya "ictimai mentalitet" dedikdə nə nəzərdə tutulur?
Polis əməkdaşları hansı meyarları rəhbər tutacaqlar?
Polisdə hansısa obyektdə əxlaqsızlıq yuvasının fəaliyyət göstərməsi haqqında operativ məlumat varsa hüquq mühafizəçiləri orada əməliyyat həyata keçirə bilərlər. Amma belə obyektlərin axtarışı məqsədilə reydlər həyata keçirmək artıq qanunilik nöqteyi-nəzərdən sual doğurur.
Efirdə açıq-aşkar əxlaqsızlığı təbliğ edən televerilişlərə nəzarəti gücləndirmək daha çox yerinə düşərdi, deyə hüquqşünas qeyd edib. -D06-
Cəmiyyət
-
Respublika Sanitariya-Karantin Mərkəzinin vəzifəli şəxsləri cinayət məsuliyyətinə cəlb ediliblər. Bu barədə Baş Prokurorluq və Səhiyyə Nazirliyinin birgə məlumatında deyilir.
-
Mayın 2-də Bakıda və Abşeronda yağıntı gözlənilmir, şimal-qərb küləyi əsəcək, arabir güclənəcək. Havanın temperaturu gecə müsbət 13+16, gündüz müsbət 19+23 dərəcə olacaq.
-
Ötən gecə iki avtoxuliqan şəhərin mərkəzində yarışa girərək, zəncirvari qəza törədib.
-
Azercell-in dəstəyi ilə beynəlxalq olimpiadalara hazırlaşan məktəblilər daha 10 medal qazanıblar 16-21 aprel 2024-cü il tarixlərində Bolqarıstanın Şumen şəhərində informatika fənni üzrə yüksək səviyyəli turnir keçirilib. Sözügedən müsabiqədə “Azercell Telekom” MMC-nin Elm və Təhsil Nazirliyinin tərəfdaşlığı çərçivəsində İnformatika üzrə beynəlxalq olimpiadalara hazırlaşan məktəblilərimiz uğurlu nəticələr əldə ediblər. Onlayn fortmatda yarışa qatılan şagirdlər yuxarı yaş qrupu üzrə 5 gümüş, aşağı yaş qrupu üzrə 5 bürünc medal olmaqla ümumilikdə 10 medal qazanıblar.
Rəy yaz