![Açiq mənbələrdən foto.](https://turan.az/resized/media/2021/main/020300028335-750-500-resize.webp)
Açiq mənbələrdən foto.
Prezident Administrasiyası qarşısında etiraz aksiyası
Bakı/03.02.21/Turan: Tovuzda yetkinlik yaşına çatmamış qızın öldürülməsində ittiham olunan İlkin Süleymanovun doğmaları bu gün etiraz aksiyası keçiriblər.
Bu dəfə onlar Süleymanovun ilkin həbs müddətinin 4 ay uzadılmasına etirazlarını bildirmək üçün Prezident Administrasiyası qarşısında toplaşmağa cəhd ediblər. Onlar hesab edirlər ki, İ.Süleymanov təqsirsizdir, istintaq qeyri-obyektiv aparılır, ittihamlar isə sübuta yetirilməyib.
“Biz dərdimizi cənab Prezidentə, xanım Mehriban Əliyevaya deməyə gəlmişik. 700 kənd sakini Prezidentə məktub göndərdi, dedi ki, İlkin günahsızdır, xahiş etdi ki, əsl günahkar tapılsın, cavab gəlmədi”, deyə aksiya iştirakçılarından biri bildirib.
Etirazçılar işin saxtalaşdırıldığını deyirlər. “İstintaq iddia edir ki, İlkin qızı o evdə 47 gün saxlayıb. Amma o evdə qışda bir gün belə qalmaq olmaz”, deyə digər bir aksiya iştirakçısı bildirib.
Etirazçılar Administrasiya binasından Baş Prokurorluğa yollanıblar, amma İstintaq İdarəsinə göndəriliblər.
Xatırladaq ki, Tovuz rayonunun Dondar Quşçu kənd sakini İlkin Süleymanov 10 yaşlı kənd sakini Nərmin Quliyevanı öldürməkdə ittiham olunur. Nərmin Quliyeva 2019-cu il noyabrın 21-də itkin düşüb. 2020-ci il yanvarın 6-da kənddə onun yandırılmış meyiti tapılıb. İstintaq qızın təcavüzə məruz qaldığını müəyyən edib.
Dünən məhkəmə ilkin həbs müddətini 4 ay uzadıb. Amma, doğmalarının iddiasına görə, bu cinayətdə Süleymanovun təqsirinin sübutu yoxdur. -21С-.
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Rəy yaz