Niyaməddin Əhmədov
Bakı/22.09.21/Turan: Sentyabrın 22 - də Xalq Cəbhəsi Partiyasının lideri Əli Kərimlinin ictimai əsaslarla mühafizəçisi Niyaməddin Əhmədovun işi üzrə prosesdə dövlət ittihamçısı çıxış edib. O, məhkəmədən Əhmədovun 15 il müddətinə azadlıqdan məhrum edilməsini istəyib.
Əhmədov 15 aprel 2020-ci ildə saxlanılıb. Növbəti gün məhkəmə onu 30 sutka həbs edərək İnzibati Xətalar Məcəlləsinin 211-ci (karantin rejiminin pozulması) və 535-ci (polisə tabe olmamaq) maddələrilə təqsirli bilib.
Daha sonra onu 214-1-ci (terrorizmin maliyyələşdirilməsi) maddəsilə ittiham ediblər. Əsasən istintaq bildirib ki, o, "terror aktları törətmək məqsədilə" Almaniyada yaşayan müxalifətçi Habil Məmmədovdan pul alıb.
Əhmədovun həbsinin əsl səbəbi partiya liderinə təzyiqdir. Belə ki, istintaq Əhmədovu Əli Kərimlinin barəsində ifadə verməyə məcbur etməyə çalışıb, ancaq o, çoxsaylı işgəncələrə tab gətirib. Hakimiyyətin belə sərt təzyiqi onun Xalq Cəbhəsi Partiyasını məhv etmək ideyasından əl çəkməməsilə bağlıdır. -16B-
Cəmiyyət
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
Rəy yaz