Açiq mənbələrdən foto.
Prokuror "İdeal" şirkətinin keçmiş rəhbərinə 8 il azadlıqdan məhrumetmə cəzası istəyib
Bakı/17.01.22/Turan: Bazar ertəsi Bakı Ağır Cinayətlər Məhkəməsində "İdeal" mağazalar şəbəkəsinin keçmiş sahibi İlqar İsmayılovun işi üzrə prosesdə prokuror çıxış edib. O, İsmayılovun 8 il müddətinə azadlıqdan məhrum edilməsini və daha əvvəl üzərinə həbs qoyulmuş əmlakının müsadirə edilməsini istəyib.
Vəkillər yekun çıxışa hazırlaşmaq üçün vaxt istəyiblər. Proses yanvarın 31-də davam edəcək.
İstintaq İsmayılovu 2011-2017-ci illərdə vəzifə səlahiyyətlərindən sui-istifadə etməkdə və 680 min manat vəsaiti mənimsəməkdə ittiham edir.
Ona qarşı CM-in 179.3.2 (böyük ölçüdə vəsaiti mənimsəmə) və 308.2 (vəzifə səlahiyyətlərindən sui-istifadə, ağır nəticələrə gətirib çıxardıqda) maddələri ilə ittiham irəli sürülüb.
İsmayılov özünü təqsirli bilmir. O, AZAL prezidentinin həyat yoldaşı Zərifə Qəmzəyevanın şirkəti onun əlindən almaq istədiyi barədə bəyanatlarına görə cəzalandırılması məqsədilə işin saxtalaşdırıldığını iddia edir. Qəmzəyeva həm də "Gazelli Group"un prezidenti və "Premium Bank"ın həmtəsisçisidir.
Bundan əvvəl Qəmzəyeva İsmayılovun CM-in 147 (böhtan) və 148-ci (tənqid) maddələri ilə məsuliyyətə cəlb edilməsini tələb edib, amma məhkəmə onun iddiasını təmin etməyib. -16D06-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz