Açiq mənbələrdən foto.
Bakı/18.03.22/Turan: Dünən gecədən başlayaraq yağan güclü qar Muğanlı-İsmayıllı-Qəbələ avtomobil yolunun Basqal kəndi ərazisindən keçən hissəsində nəqliyyatın hərəkətini məhdudlaşdırıb.
Daxili İşlər Nazirliyinin Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin məlumatına görə, mövcud hava şəraiti ilə bağlı respublikanın bəzi yollarında avtomobillərin hərəkətində çətinliklər yaranıb.
"Muğanlı-İsmayıllı yolunda, Bakı-Şamaxı Yevlax avtomobil yolunun Muğanlı dairəsi adlanan hissəsində yağan qar avtomobillərin hərəkətində çətinlik yaratsa da, yol patrul xidmətinin əməkdaşları yol təsərrüfatı işçiləri ilə birgə yollarda hərəkətin təmin edilməsinə çalışırlar.
Sürücülər unutmamalıdır ki, qar yağan bölgələrə səfər etməzdən öncə yolların vəziyyətini nəzərə almalıdırlar. Ya səfərlərini təxirə salmalıdırlar, bu, mümkün deyilsə, yol şəraitini nəzərə alıb şinlərin vəziyyətinə nəzər yetirsinlər. Sürücülərin hava şəraitinə görə gündüz saatlarda yola çıxmaları tövsiyə edilir", deyə Baş Dövlət Yol Polisi İdarəsi qeyd edir. -0-
Cəmiyyət
-
Azərbaycan bu il noyabrın 11-dən 22-nə kimi BMT-nin İqlim Dəyişikliyi Konfransına (COP29) ev sahibliyi edəcək. Rəsmi məlumatlara görə, ölkəyə 11 gün davam edən bu tədbirə qatılmaq üçün 50-70 min civarında qonağın gəlməsi planlaşdırılır.
-
Şənbə günü Bakıda və Abşeron yarımadasında yağıntı gözlənilmir, şimal-qərb küləyi cənub küləyi ilə əvəz olunacaq.
-
Son günlər yağışlar nəticəsində Bakının Binəqədi rayonunun bəzi ərazilərində, Abşeron rayonunda müəyyən yerlərdə evləri su basıb. Sakinlər şikayətlənir ki, bu hal illərdir baş verir. Biləcəri qəsəbəsində yaşayan Mahir Məmmədov AzadlıqRadiosuna bildirib ki, üç gün əvvəl, mayın 6-da yağan leysandan sonra evinə su dolub: "Bizdə həyət evidir. Yağış yağıb, evim su içindədir, mebellərimə də ziyan dəyib. Bu vəziyyət illərdir davam edir. Şikayət etmədiyimiz qurum qalmadı. Hər dəfə deyirlər ki, nasoslar çatdırmır, düzələcək, amma düzəlmir".
-
9 may Qələbə bayramı münasibətilə Azərbaycanda prezidentin sərəncamı ilə İkinci Dünya Müharibəsi iştirakçılarına 2 min manat (1167 dollar) birdəfəlik yardım ayrılıb. Ölkədə 1941-1945-ci illər hərbi əməliyyatlarının cəmi 30 nəfər birbaşa iştirakçısı qalıb.
Rəy yaz