Bakı/14.12.23/Turan: “Qarabağ” futbol klubu dekabrın 14-də Bakıda İsveçin “Hakken” komandasını 2:1 hesabı ilə məğlub edib. Bununla da Azərbaycan komandası ilk dəfə olaraq Avropa Liqasının pley-off mərhələsinə yüksəlib.
Qarşılaşmanın ilk dəqiqəsində “Qarabağ” hesabı açıb, Leandro Andrade fərqlənib.
Və birinci hissənin son dəqiqəsində Yasin Benzia hesab arasında fərqi daha artırıb.
Matçın sonunda Bədavi Hüseynov topu öz qapısına vurub.
Beləliklə, 10 xal toplayan “Qarabağ” öz qrupunda ikinci yeri tutaraq Avropa Liqasının 1/16 finalına yüksəlib. Burada “Qarabağ” Çempionlar Liqasında qruplarında üçüncü yeri tutan klublardan biri ilə qarşılaşacaq.
Qrupun lideri Almaniyanın "Bayer"i birbaşa Avropa Liqasının 1/8 finalına yüksəlib.
Qrupda üçüncü yeri tutan Norveçin “Molde” komandası Konfrans Liqasının 1/16 finalına vəsiqə alıb.
“Hakken” qrupda sonuncu yeri tutaraq Avropa turnirini tərk edib.—06B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz