Foto TURAN
Bakı/15.09.22/Turan: Cümə axşamı futbol üzrə Avropa Liqasının qrup mərhələsinin ikinci turu çərçivəsində Bakıda keçirilən Ağdamın “Qarabağ” klubu Fransanın “Nant” komandasını 3:0 iri hesabla məğlub edib.
Hər üç qol ikinci hissədə ev sahiblərinin çoxgedişli kombinasiyalarından sonra vurulub.
60-cı dəqiqədə hesabı “Qarabağ”ın hücumçusu Ovusu Kvabena açıb. Beş dəqiqə sonra Abdellah Zubir hesabı artırıb. 72-ci dəqiqədə Marko Veşoviç üçüncü qolu vurub.
“Qarabağ” FK bugünkü qələbədən sonra ilk üç xalı toplayaraq qrupda ikinci pilləyə yüksəlib.
Birinci yerdə bu gün Yunanıstan “Olimpiakos”una 3:0 hesabı ilə qalib gələn və 6 xal toplayan Almaniyanın “Frayburq” komandasıdır.
"Nant" 3 xalla 3-cü pillədə qərarlaşıb, heç bir xal qazanmayan "Olimpiakos" qrupda sonuncu yerdədir.
Qeyd edək ki, “Qarabağ” – “Nant” matçının əvvəlində Tofiq Bəhramov adına Respublika stadionunda tamaşaçılar sentyabrın 12-14-də Ermənistanla sərhəddə gedən döyüşlərdə həlak olan Azərbaycan şəhidlərinin xatirəsini bir dəqiqəlik sükutla yad ediblər. -0-
Cəmiyyət
-
Tanınmış jurnalist Mayis Əlizadə martın 6-da səhər saatlarında İstanbulda qəfil ürək tutmasından vəfat edib. O Türkiyə barədə analitik təfəkkürü, bu ölkənin tarixi və siyasəti ilə bağlı dərin biliyi ilə tanınan jurnalist və tərcüməçi idi.
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
Rəy yaz