Bakı/16.11.21/Turan: 44 günlük Qarabağ Müharibəsinin başa çatmasından bir il ötsə də, məcburi köçkünlərin azad edilmiş torpaqlara qayıtması ilə bağlı qeyri-müəyyənlik davam edir. Bu isə cəmiyyətdə suallar doğurur, məcburi köçkünlər arasında narahatlıq yaradır. Bir qrup ictimai-siyasi xadim ADR Partiyasının sədri, professor Qubad İbadoğlunun moderatorluğu ilə onlayn konrans keçirərək Qarabağa qayıdışla bağlı fikir mübadiləsi aparıblar.
Konfransda “Turan” İnformasiya Agentliyinin direktoru Mehman Əliyev, politoloq Nəsimi Məmmədli, hüquqşunas Fərhad Mehdiyev, yazıçı-publisist Vahid Qazi, siyasi şərhçi Xəqani Cəfərli, iqtisadçı Qalib Toğrul, ictimai xadim Elxan Nur Qubatlı və siyasi fəal İlkin Rüstəmzadə iştirak ediblər.
Konfrans iştirakçıları Qarabağa qayıdış prosesin ləng getməsinin siyasi və hümanitar problemlər doğuracağı ilə bağlı narahatlıqlarını ifadə edib, işğaldan azad edilmiş ərazilərdə həyata keçirilən tikinti-quruculuq işlərinin şəfaflığını təmin edilməsinin zəruriliyini vurğulayıblar. Məcburi köçkünlərin doğma torpaqlarına qayıtmaq istəməsi haqqında fikirin əsasız olduğunu qeyd edən konfrans iştirakçıları məcburi köçkünlərin mülkiyyət hüququnun təmin olunmasının vacibliyinə diqqət çəkiblər. Sonda konfrans iştirakçıları bu formatın davam etdirilməsinin faydalı olacağını qeyd edərək əməkdaşlığı davam etdirmək qərarı veriblər.—0--
Cəmiyyət
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
-
Yanvarın 29-da Bakıda və Abşeron yarımadasında hava dəyişkən buludlu olacaq, əsasən yağıntısız olacaq. Mülayim cənub-şərq küləyi əsəcək. Havanın temperaturu gecə müsbət 3+6, gündüz müsbət 8+13 dərəcə olacaq. Rütubət 70-80 faiz olacaq.
-
Gənclər ətraf mühitin mühafizəsinə yönəlmiş texnoloji həllərini təqdim ediblər Yanvarın 18-də Oxbridge Academy-də Azercell və “Eventify” şirkətinin birgə təşkilatçılığı ilə “Dayanıqlı İnkişaf” hakatonu baş tutub. Layihə gənclərə potensiallarını reallaşdırmağa imkan yaratmaq, eləcə də ətraf mühitin qorunmasına yönəlmiş texnoloji həlləri ərsəyə gətirmək məqsədini daşıyıb. Tədbir həmçinin startap ekosisteminin inkişafına töhfə verərək iştirakçılara öz innovativ ideyalarını həyata keçirmək üçün effektiv platforma rolunu oynayıb.
-
Süni intellekt texnologiyasından istifadə hallarının atdığı bir dövrdə kiberhücumlara məruzqalma halları müşahidə olunur. Bu barədə Daxili İşlər Nazirliyi bildirib.
Rəy yaz