Bakı/03.11.17/Turan: Azərbaycan Dövlət Neft Şirkətinin "Qaradağ-Qalamaz" İB-nin "Qaradağ" sahəsində 490-cu quyuda qazma prosesində baş vermiş qəza nəticəsində iki nəfər xəsarət alıb.
Qazmaçı köməkçiləri Fikrət Gözəlov və Cavad Ədilov qəbul meydançasından köməkçi bucurqad vasitəsilə yuxarı işçi meydançaya qaldırılan borulardan birinin yırğalanması nəticəsində xəsarət alıblar.
Zərərçəkmişlər xəstəxanaya yerləşdiriliblər və müalicə alırlar.
Qəzanın səbəbləri araşdırılır.
Öz növbəsində, Səhiyyə Nazirliyinin mətbuat xidmətindən bildiriblər ki, Gözəlov kəllə-beyin travması ilə ağır vəziyyətdə Kliniki Tibbi Mərkəzin reanimasiya şöbəsinə yerləşdirilib.
Ədilova zəruri tibbi yardım göstərilib. Onun həyatı üçün təhlükə yoxdur.
Bu gün axşam onun xəstəxanadan çıxarılacağı gözlənilir. -06D-
Cəmiyyət
-
Olimpiadaya Azercell-in dəstəyi ilə hazırlaşan məktəblilər Mərkəzi Avropa İnformatika Olimpiadasında 1 gümüş və 1 bürünc medalla təltif ediliblər Çexiyanın Brno şəhərində proqramlaşdırma üzrə Mərkəzi Avropa İnformatika Olimpiadası (CEOI 2024) keçirilib. 11 ölkədən 60-a yaxın məktəblinin qatıldığı bilik müsabiqəsində Azərbaycan uğurla təmsil olunub. Belə ki, Bakı şəhəri, Akademik Zərifə Əliyeva adına liseyin 10-cu sinif şagirdi Ayxan Dəmirli gümüş, Türkiyə Dəyanət Vəqfi Bakı Türk Liseyi 10-cu sinif şagirdi Tahir Əliyev bürünc medal əldə ediblər.
-
Avropa Şurası Parlament Assambleyasının (AŞPA) prezidenti Teodoros Rusopulos Azərbaycan hakimiyyətini Avropa Şurasının İşgəncələrə qarşı Komitəsi (CPT) ilə əməkdaşlığı dərhal bərpa etməyə və konstruktiv dialoqa çağırıb.
-
İyulun 5-də Bakıda və Abşeron yarımadasında hava yağıntısız olacaq. Cənub-şərq küləyi əsəcək.
-
“Bakcell” şirkəti Azərbaycanda ilk dəfə olaraq Wi-Fi üzərindən zəng xidmətini - VoWiFi (Voice over Wi-Fi) texnologiyasını istifadəyə verib. Yeni xidmət ölkə xaricində olan abunəçilərə smartfonda Wi-Fi şəbəkəsi aktiv olduğu halda dünyanın istənilən yerinə Azərbaycandakı tarif ilə zəng etmək imkanı verəcək.
Rəy yaz