Açiq mənbələrdən foto.
Qaya parçalarının altında qalan ikinci əsgər də vəfat edib /YENİLƏNİB/
Bakı/05.08.22/Turan: Azərbaycan Müdafiə Nazirliyi Laçın rayonunda sıldırım qayalıqlardan qopub düşən qaya parçalarının altında qalan ikinci əsgər Tahir Əliyevin də vəfat etdiyini bildirib.
Bir müddət əvvəl müddətli həqiqi hərbi xidmət qulluqçusu Samir Xudiyevin xidməti döyüş tapşırığını yerinə yetirərkən üzərinə qaya parçaları düşməsi nəticəsində vəfat etdiyi, Tahir Əliyevin isə ağır yaralandığı bildirilmişdi. 02D
* * *
2022 Avqust 05 (Cümə) 14:34:33
Laçında əsgər qayalıqlardan düşən qaya parçalarının altında qalaraq vəfat edib
Bakı/05.08.22/Turan: Avqustun 5-də Laçın rayonunda çətin relyefli ərazidə xidməti döyüş tapşırığını yerinə yetirərkən sıldırım qayalıqlardan qopan qaya parçası Azərbaycan Ordusunun müddətli həqiqi hərbi xidmət hərbi qulluqçuları əsgər Xudiyev Samir Səməd oğlu və əsgər Əliyev Tahir Çingiz oğlunun üzərinə düşüb.
Bu barədə Müdafiə Nazirliyindən məlumat verilib. Nəticədə əsgər Samir Xudiyev aldığı bədən xəsarətlərindən hadisə yerində vəfat edib. Müxtəlif bədən xəsarətləri almış əsgər Tahir Əliyevin vəziyyəti ağır qiymətləndirilir.
Faktla bağlı cinayət işi açılıb, araşdırma aparılır. 02D
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz