Bakı/21.05.18/Turan: Bu gün Avropa Şurasının Bakı ofisinin təşkil etdiyi konfransda qərarların qəbulu prosesində vətəndaş iştirakçılığı səviyyəsinin artırılması məsələləri müzakirə edilib.
AŞ Bakı ofisinin rəhbəri Zoltan Herneyş görüşü açaraq deyib ki, dinləmələr AŞ və Aİ ilə birlikdə həyata keçirilən "Azərbaycanda vətəndaş dialoqu" layihəsi çərçivəsində təşkil edilib.
Görüşdə məqsəd hökumətin bütün səviyyələrində qərarların qəbulunda vətəndaş iştirakının təminatı, qanunvericilik və institusional əsasların yaradılması, şəffaflığın təminatı məsələləri müzakirə olunub.
Baş Direktorluğun Demokratik İdarəetmə Departamentinin rəhbəri Daniel Popesku dövlətdə qərarların qəbulunda vətəndaş sektorunun iştirakının daha aydın əks etdirilməsinin və qanunvericiliyin daimi təkmilləşdirilməsinin vacibliyini qeyd edib.
Aİ Azərbaycan nümayəndəliyinin rəhbəri Kəstutis Yankauskas dövlətin həyatında vətəndaş iştirakı praktikasının təkmilləşdirilməsinin, onun günün tələblərinə uyğunlaşdırılmasının vacibliyini deyib.
Azərbaycan prezidenti yanında QHT-lərə Dövlət Dəstəyi Şurasının sədri Azay Quliyev Azərbaycanda vətəndaş iştirakçılığının konstitusion baxımdan möhkəmləndirildiyini qeyd edib. O, Azərbaycanda ictimai iştirak haqqında qanunun qəbul edildiyini, mərkəzi və yerli icra hakimiyyəti orqanlarında ictimai şuraların yaradıldığını bildirib.
Lakin Demokratik Təşəbbüslər İnstitutunun rəhbəri Akif Qurbanov bildirib ki, reallıqda Azərbaycanda dövlətlə müstəqil vətəndaş cəmiyyəti arasında dialoq yoxdur. Sonuncu nəinki qərarların qəbulundan, hətta ümumilikdə ictimai fəaliyyətdən kənarlaşdırılıb.
Konfransda parlamentin deputatları, hökumət və vətəndaş cəmiyyəti nümayəndələri, beynəlxalq və yerli ekspertlər iştirak edirlər. Tədbir Avropa İttifaqı və Avropa Şurasının maliyyə dəstəyilə keçirilir.-06D--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz