Qeyri-hökumət təşkilatlarının maliyyələşmə kriteriyalarını işçi qruplar müəyyən edəcək

Bakı/07.05.21/Turan:  Qeyri-Hökumət Təşkilatlarına Dövlət Dəstəyi Agentliyinin Müşahidə Şurası mühüm qərarlar qəbul edib. Əsasən 5 işçi qrupun yaradılması qərara alınıb.

- Agentliyinin strateji məqsədlərinin və planlarının hazırlanması üzrə işçı qrupu:

-Agentliyin fəaliyyətinə dair daxili qaydaların (o cümlədən maraqlar münaqişəsinin istisna olunması qaydası) hazırlanması üzrə işçi qrupu:

- Agentliyin maliyyələşdirdiyi layihələrin əlaqələndirilməsi və icrasına nəzarətin həyata keçirilməsi qaydası, İcra olunan layihələrin monitorinqinin və qiymətləndirilməsinin aparılması qaydası, qeyri-hökumət təşkilatlarının qrant maliyyələşməsi ilə bağlı müsabiqələrin keçirilməsi qaydası, qrant məbləğinin müəyyən edilməsi meyarlarını və hər bir mövzu üzrə qrant məbləğinin yuxarı həddinin müəyyən edilməsi məsələləri üzrə işçı qrupu:

-  Agentliyin loqotipinin (emblemi) hazırlanmasının təşkili üzrə işçı qrupu:

- Qeyri-hökumət təşkilatlarının fəaliyyət göstəricilərinin qiymətləndirilməsi və ictimai faydalılığının ölçülməsi üzrə işçı qrupu:

Müşahidə Şurası üzvlərinin ayda bir dəfə keçirəcəyi qəbul günlərinin qrafiki müəyyənləşdirilib.

Xatırladaq ki, bu ilin aprelində agentlik hələ 2007-ci ildə yaradılmış Azərbaycan prezidenti yanında Qeyri-Hökumət Təşkilatlarına Dövlət Dəstəyi Şurasının bazasında yaradılıb. Yeni strukturun prinsipial fərqi nin nədə olduğu aydın deyil , üstəlik  onun rəhbəri Azay Quliyev öz postunu saxlayıb.

Vətəndaş cəmiyyətinin nümayəndələri bu illər ərzində hökumətyönlü qeyri-hökumət təşkilatları üçün maliyyə mənbəyi rolunu yerinə yetirən bu təşkilatın adının dəyişdirilməsinə skeptik yanaşıblar.–06D-