Bakı/26.11.18/Turan: İsmayıllı rayonunun Tircan kəndinin iki sakini və Ağsu rayonunun dörd sakini qanunsuz olaraq ayı ovlamaqda şübhəli bilinərək saxlanılıb.
DİN-in mətbuat xidmətinin məlumatına görə, brakonyerlik faktı noyabrın 17-də İsmayıllı rayonunun Baskal qəsəbəsi yaxınlığında baş verib. Bu fakt yerli keşikçi tərəfindən qeydə alınıb və polisə məlumat verilib.
Saxlanılan şəxslərdən dörd ədəd "İJ" və 1 ədəd "Lavrona" markalı ov tüfəngləri götürülüb.
Faktla əlaqədar Cinayət Məcəlləsinin 258-ci (Qanunsuz ov etmə) maddəsi ilə cinayət işi başlanılıb.
Bu maddə üzrə 3 min manatdan 6 min manata qədər cərimə və ya 2 ilə qədər azadlıqdan məhrumetmə cəzası nəzərdə tutulur.
Qeyd edək ki, Qonur Ayı Azərbaycanın Qırmızı Kitabına daxil edilib və onun ovlanması qadağan edilib. -02D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz