Bakı/11.04.19/Turan: Aprelin 11-də Quba-Xınalıq avtomobil yolunun 36-cı km.-də dağ yamacından düşən iri qaya parçası yolu bağlayıb. Bunun ardınca həmin qaya parçasının arxasında olan kiçik parçalar yola tökülərək hərəkətin dayanmasına səbəb olub. Bunu Azərbaycan Avtomobil Yolları Dövlət Agentliyindən (AAYDA) bildiriblər.
Məlumata görə, təbii proses başa çatmadığı üçün dağ yamacından qaya parçalarının aşağıya doğru hərəkəti davam etdiyi üçün ərazidə təmizləmə işləri aparmaq hələ ki mümkün deyil.
Həmin ərazidə sürüşmə sabitləşdiyi halda yolun hərəkət hissəsinin qaya parçalarından təmizlənməsi mümkün olacaq.
Xatırladaq ki, bu yaxınlarda qar uçqunu baş verməsi nəticəsində Quba-Xınalıq yolu bağlanmışdı. Ümumiyyətlə, mütəxəssislər bu ərazilərin sürüşmə zonası olduğunu bildirirlər.--0--
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz