Rafael Ağayev Olimpiadada gümüş medal qazanıb /YENİLƏNİB/

Bakı/06.08.21/Turan: Azərbaycanlı karateçi Rafael Ağayev (75 kq) Tokio Olimpiadasının final mərhələsində Luica Busa 0:1 hesabı ilə məğlub olaraq, Olimpiadanın gümüş medalı ilə kifayətlənib.

Bu, Azərbaycan idmançılarının Tokio Oyunlarında ilk gümüş medalıdır.

Azərbaycan nümayəndələri üç bürünc medal qazanıblar, hələlik qızıl medal qazanan olmayıb. -06D-

*   *   *

2021 Avqust 06 (Cümə) 16:32:31

Rafael Ağayev Olimpiadanın finalına çıxıb

Bakı/06.08.21/Turan: Azərbaycanlı karateçi Rafael Ağayev (75 kq) yarımfinal mərhələsində macarıstanlı Qabor Xarspatakini 7:0 hesabı ilə məğlub edərək, Olimpiadanın final mərhələsinə çıxıb.

Ağayev həlledici mərhələdə qrupda 1:3 hesabı ilə məğlub olduğu italiyalı Luica Busa ilə qarşılaşacaq. -0-

*   *   *

2021 Avqust 06 (Cümə) 15:12:26

Azərbaycanlı karateçi Rafael Ağayev Olimpiadanın yarımfinalına çıxıb

Bakı/06.08.21/Turan: Azərbaycanlı karateçi, beşqat dünya çempionu və 11 qat Avropa çempionu Rafael Ağayev (75 kq) Tokio Olimpiya Oyunlarının yarımfinal mərhələsinə çıxıb.

Bu gün o, Almaniya, Avstraliya və Qazaxıstandan olan rəqiblərinə qalib gəlib, İtaliya nümayəndəsinə məğlub olub və öz qrupunda ikinci yeri tutub.

Yarımfinalda onun rəqibi öz qrupunda qalib olan Macarıstanlı Qabor Xarspataki olacaq. -06D-