![Açiq mənbələrdən foto.](https://turan.az/resized/750/500/resize/media/2022/main/051300044976.webp)
Açiq mənbələrdən foto.
RATİ Azərbaycan hakimiyyətini tənqidçilərinə qarşı repressiyalara son qoymağa çağırıb
Bakı/13.05.22/Turan: Reportyorların Azadlıq və Təhlükəsizlik İnstitutu (RATİ) bloger Eyvaz Yahyaoğlunun polisə tabe olmamaqda ittiham edilərək qurama həbsinə görə Azərbaycan hakimiyyətini pisləyir və onun dərhal azadlığa buraxılmasına çağırır.
2022-ci il mayın 9-da polis tərəfindən saxlanılan, əsasən bürokratik qanunsuzluqları işıqlandıran, kənd yerlərində vətəndaşların sosial və mülki hüquqlarının pozulmasını ictimailəşdirən bloger Eyvaza Yahyaoğlu rayon polis idarəsində işgəncələrə məruz qalıb.
"Görünür, onu özünə məxsus "Şirvan Tv Eyvaz Eloğlu"dan bütün reportajları silməyə zorla məcbur ediblər", deyə RATİ-nin bəyanatında bildirilir.
"Bu yaxınlarda, 21 aprel 2022-ci ildə, ehtimal ki, Azərbaycanın təhlükəsizlik qüvvələrinin əməkdaşı olan bir qrup maskalı şəxs tərəfindən işgəncə və təhqir altında oğurlanan tanınmış bloger və fəal Bəxtiyar Hacıyev Azərbaycan Daxili İşlər Nazirliyində baş verən özbaşınalıqlarla bağlı tənqidi materialları silməyə məcbur edilib. 2 ay əvvəl törədilmiş jurnalist Əvəz Şıxməmmədovun (yaradıcı təxəllüsü Əvəz Hafizli) şok qətli, bu yaxınlarda jurnalist Aytən Məmmədovaya dəhşətli hücum, araşdırmaçı jurnalistlərə məmurların artan hədələri, həbsxanada olan jurnalistlər Polad Aslanov v Elçin Məmməda qarşı bu yaxınlarda baş verən zorakılıqlar, bir sıra Avropa ölkələrində yaşayan blogerlər amansız hücumlar onu deməyə əsas verir ki, Azərbaycan hakimiyyəti öz tənqidçilərinə qarşı yeni repressiya kampaniyasına başlayıb və bu, şübhəsiz ki, davam edəcək və yaxın gələcəkdə daha da sərtləşəcək", - RATİ sədri Emin Hüseynov qeyd edib.
RATİ Avropa Şurasının institutlarını hakimiyyəti yeni repressiya dalğasına görə pisləməyə və onlardan bütün jurnalistləri azad etməyi və ictimai tənqidçilərə qarşı cinayətlərə görə cəzasızlığa son qoymağa tələb etməyə çağırır.
RATİ həmçinin Azərbaycan hakimiyyətini Avropa Şurasının üzvü olan ölkə kimi öhdəlikləri çərçivəsində Avropa İnsan Haqları Konvensiyasının bütün müddəalarına əməl etməyə, o cümlədən ölkədə məlumat azadlığını, mətbuat azadlığını və ifadə azadlığını tam və qüsursuz şəkildə təmin etməyə çağırır.
RATI Azərbaycan hakimiyyətini jurnalistlər Polad Aslanov, Əfqan Sadıqov, Bəhruz Əliyev, blogerlər Aslan Qurbanov, Elvin İsayev və Maqsud Mahmudovu, həmçinin siyasi mühacirətdə olan müstəqil jurnalist Sevinc Osmanqızına verdiyi müsahibəyə görə böhtan atmaqda təqsirli bilinərək həbs edilən müxalif ictimai xadim Əli Əliyevi dərhal həbsdən azad etməyə çağırır.
RATİ Azərbaycan hakimiyyətini diffamasiyanı tamamilə dekriminallaşdırmağa, tənqidçilərin siyasi motivli qanunsuz təqibinə son qoymağa və jurnalistləri hədələmək praktikasını tamamilə dayandırmağa, onlara peşəkar fəaliyyətlərini davam etdirmək üçün təhlükəsiz şərait yaratmağa çağırır. -06B-
-
- İqtisadiyyat
- 13 May 2022 12:08
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz