Razi Hümbətov
Bakı/24.07.21/Turan: "Müsəlman Birliyi" Hərəkatının fəalı, həbsdə olan Razi Hümbətov Daxili İşlər Nazirliyi Baş Mütəşəkkil Cinayətkarlığa Qarşı Mübarizə İdarəsində altıgünlük saxlanma zamanı ona işgəncə verildiyini bildirib. Bu barədə "Müdafiə xətti" qeyri-hökumət təşkilatının rəhbəri Rüfət Səfərov onun doğmalarına istinadən məlumat verib.
Hüquq müdafiəçisinin sözlərinə görə, Hümbətov fiziki və psixoloji təzyiq altında narkotiklərlə bağlı etirafedici ifadə verib.
Bundan əlavə, həbsdə olduğu 16 gün ərzində Hümbətova yalnız iki dəfə yaxınlarına 1-2 dəqiqəliyə zəng etməyə icazə veriblər, o da istintaq təcridxanasına köçürüldükdən sonra. Doğmaları ilə görüş verməyiblər.
Səfərov bunu məhbusun hüquqlarının pozulması kimi qiymətləndirib.
Onun sözlərinə görə, məcburi saxlanma yerləri üzrə daxili qaydalara əsasən müəssisəyə daxil olduqdan sonra şübhəli şəxs yaxınlarına zəng etmək hüququna malikdir.
Bundan əlavə, istintaq təcridxanasına keçirildikdən sonra həmin şəxsin həmçinin yaxınlarına zəng etmək imkanı olmalı, sonra isə həftədə iki dəfə 15 dəqiqəlik telefon danışığı hüququna malik olmalı, ailə üzvləri və onun üçün qanuni maraq doğuran digər şəxslərlə ayda 4 dəfə görüş hüququna malik olmalıdır.
Daxili İşlər Nazirliyində Hümbətova fiziki və psixoloji təzyiqlər barədə məlumatları təkzib ediblər, "bu iddiaların faktlara və sübutlara əsaslanmadığını" bildiriblər.
Hümbətov iyulun 7-də Ceyranbatan qəsəbəsində saxlanılıb.
Yalnız üç gündən sonra vəkil aydınlaşdıra bilib ki, iyulun 8-də Nərimanov Rayon Məhkəməsi onun barəsində Cinayət Məcəlləsinin 234.4.3-cü maddəsi (külli miqdarda narkotik maddənin qanunsuz dövriyyəsi) ilə ittihamı ilə 4 ay müddətinə həbs qətimkan tədbiri seçib. Bu maddə üzrə onu 12 ilədək azadlıqdan məhrum olunma təhlükəsi gözləyir.
"Müsəlman Birliyi" Hərəkatı Hümbətovun həbsini sosial şəbəkələrdə hakimiyyəti tənqid etməsi, eləcə də gənclər arasında narkotik vasitələrin yayılmasına qarşı fəal mübarizəsi ilə əlaqələndirirlər.03B06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz