Hirkan Milli Parkı
realnewsinfo.com Mətbuat Şurasını ifşa edir
Bakı/31.12.17/Turan: 2017-ci il yekunlaşarkən Mətbuat Şurasının İdarə Heyəti ilə bağlı növbəti qalmaqal yaranıb. Bu, sosial şəbəkələrdə növbəti müzakirə və qınaq predmetinə çevrilib.
Qalmaqalın predmeti Mətbuat Şurasının şikayətlər komissiyasının "Hirkan" Milli Parkının direktoru Azər Mirzəyevin realnewsinfo.com saytının baş redaktoru Emin Ramazanova qarşı şikayəti ilə bağlı dinləmənin audioyazısı olub.
Bu il dekabrın 14-də saytda dərc edilmiş "Hirkan Milli Parkının rəhbəri Azər Mirzəyevin (Haqq) "pərdəarxası oyunları"" http://realnewsinfo.com/hadis/736-hirkan-milli-parknn-rhbrinin-prdarxas-oyunlar.html sərlövhəli məqalədə təbiəti mühafizə zonasında meşənin məhv edilməsi ittihamı yer alır, habelə qadının döyülməsi və jurnalistin ələ alınması faktlarından danışılır. Burada dəlil kimi foto və videomateriallar yerləşdirilib.
MŞ-də dinləmələrin audioyazısı jurnalist tərəfindən gizlicə aparılıb və o, dinləyiciləri MŞ-nin KİV-lə qarşılıqlı münasibətlər məsələsinə yanaşması və şikayətçi və jurnalist arasında mübahisənin nizamlanması özünə məhsus prinsipləri ilə tanış edir.
Qeyd etmək lazımdır ki, dinləmələr jurnalistə təzyiqlə başlayır: haraya gəldiyini bilib-bilmədiyi, MŞ-nin əhəmiyyəti, jurnalist üzr istəməzsə və təqsirini boynuna almazsa, baxılan şikayətin hüquq-mühafizə orqanlarına göndərilməsi təhdidi və s. Redaktora təzyiq bütün iclas boyu davam edir.
MŞ İdarə Heyətinin üzvləri jurnalistə Azərbaycan jurnalistinin Peşə Davranışı Qaydalarının dörd prinsipinin pozulduğu barədə xəbərdarlıq edib. Bu zaman yalnız Birinci prinsipi - "Həqiqətə xidmət, dəqiqlik və obyektivlik" prinsipini - onun qarşı tərəfin nöqteyi-nəzərini təqdim etmədiyini qeyd edib. Bununla razılaşmaq olar, çünki materialda həqiqətən qarşı tərəfin fikri yox idi.
Amma dinləmələrin gedişatından görünür ki, tərəflərin iştirakı ilə təhqiqatdan əvvəl məqalənin ətraflı ekspertizası keçirilməyib - ekspert rəyi təqdim edilməyib və onun haqqında söhbət getməyib.
Komissiya, birinci növbədə, həqiqəti - jurnalistə qarşı ittihamların əsaslı olub-olmadığını üzə çıxarmaq üçün tərəflərin fikrini dinləməli idi. Komissiya üzvləri açıq-aşkar bundan yayınaraq, yazdıqlarından imtina etməsi üçün jurnalistə təzyiq göstəriblər.
İkincisi, komissiya peşə normalarının pozulması barədə nəsihət deyil, tövsiyə xarakterli danışmalı idi.
Onu həmçinin saytı bloklanan və barəsində hüquq-mühafizə orqanlarına şikayət verilən Realliq.info saytının redaktoru İkram Rəhimovun taleyinin gözlədiyi ilə hədələyiblər.
Son nəticədə dinləmələrdən sonra MŞ İdarə Heyəti üzvlərindən birinin hamının gözü önündə Emin Ramazanova rüşvət qəbul etdirməyə çalışıb. İdarə Heyəti üzvünün hansı marağa xidmət etdiyi və onun kimin marağını təmsil etdiyi dinləmədə aparılmış audioyazıdan aydınlıq qətirə bilir. https://drive.google.com/file/d/1M9yMCrmEKFKrsNY7YNdinycjN1Jpa6kt/view
-
- Dünyada
- 1 Yanvar 2018 02:34
Cəmiyyət
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
-
Mayın 4-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.
-
Azercell-in ev sahibliyi etdiyi “M360 Eurasia 2024” konfransına qeydiyyat davam edir “GSMA M360 Eurasia 2024” konfransı bu il Bakıda çoxsaylı beynəlxalq və regional məruzəçilərin iştirakı ilə baş tutacaq. Tədbir Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə 15-16 may tarixlərində keçiriləcək.
-
Əməliyyat tədbirləri zamanı Daxili İşlər Nazirliyi Baş Narkotiklərlə Mübarizə İdarəsinin əməkdaşları Neftçala rayon sakini Sadiq Ələkbərovu saxlayıblar.
Rəy yaz