Arxiv
Repressiya və İşgəncələr Əleyhinə Komitə hakimiyyəti siyasi məhbusları azad etməyə çağırıb
Bakı/15.04.20/Turan: Azərbaycanda Repressiya və İşgəncələr Əleyhinə Komitə hakimiyyətin siyasi opponentlərə qarşı başladığı repressiyaları pisləyərək hökuməti bütün siyasi məhbusları azad etməyə çağırıb.
Komitə hesab edir ki, 6 aprel 2020-ci il tarixli əfv fərmanı siyasi diskriminasiya əsasında hazırlanıb, ədalətsiz və qərəzlidir, Azərbaycanın dövlətçilik və dövlət təhlükəsizliyi prinsiplərinə sarsıdıcı zərbə vurub. Buna misal olaraq rüşvətxorluq, korrupsiya, əmlakın qanunsuz ələ keçirilməsi, qanunsuz həbslər və qətllərdə ittiham olunan keçmiş MTN generalları Akif Çovdarov və Subahir Qurbanov kimi keçmiş cinayətkarların azad edilməsini göstərilir. Və 66 yaşlı siyasi məhbus Ruhulla Axundzadənin əfv olunmaması bu ədalətsizliyin və qərəzin ifadəsidir.
Komitə hakimiyyəti öz opponentlərinə qarşı koronavirus pandemiyası ilə əlaqədar karantin məhdudiyyətlərinin tətbiq edilməsi siyasətindən çəkinməyə çağırıb. Mart ayının üçüncü ongünlüyündən bəri həbs olunan, işgəncəyə məruz qalan 30-a yaxın siyasi fəalın adları göstərilir.
Bəyanatda koronavirus yoluxması təhlükəsilə əlaqədar məhkumların qidalanması və azad edilməsinə dair təkliflər var. Əsasən məhbuslara daha keyfiyyətli yeməyin verilməsi üçün şəraitin yaradılması və təhlükəli olmayan məhbusların həbs yerlərindən azad edilməsi təklif olunur.0—
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz