ekran görüntüsü
Bakı/02.05.23/Turan: Sosial şəbəkələrdə sambo üzrə məşqində uşağın öldüyünü əks etdirən videogörüntülər yayılıb.
Hadisə aprelin 30-da Sumqayıt məktəbinin 19 nömrəli tam orta məktəbinin idman zalında baş verib.
Məşqçi-müəllim Mehman Xəlilov bir qrup azyaşlı uşağa keçdiyi məşqində 7 yaşlı uşağı saçından tutub sürüyərək, ona qarşı güc tətbiq edib. Xəlilov uşağı boynundan tutub qaldırdıqdan sonra uşaq yıxılıb və huşunu itirib. Bundan əvvəl Xəlilov qrupdakı digər uşaqlara qarşı da güc tətbiq edib.
Elm və Təhsil Nazirliyi hadisə ilə bağlı şərh verib. Şərhdə deyilir ki, Sumqayıt şəhəri 19 nömrəli məktəbin idman zalında Avropa Oyunlarının mükafatçısı, idman ustası, məşqçi-müəllim Mehman Xəlilov bir qrup uşaqla cudo məşqi keçirdi.
Ölən 2016-cı il təvəllüdlü Fərid Bakarov, yaşının az olmasına baxmayaraq, Mehman Xəlilovun təşəbbüsü ilə keçirilən qeydiyyatsız məşqlərə cəlb olunub.
Müşahidə kamerasının görüntülərindən məşqçinin azyaşlı uşaqla kobud rəftar etdiyi görünür. Bir müddət sonra vəziyyəti pisləşən azyaşlı xəstəxanaya çatdırılıb. Xəstəxanada Fərid Bakarovun həyatını xilas etmək mümkün olmayıb.
Faktla bağlı hüquq-mühafizə orqanları CM-in 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmişin ölümünə səbəb olduqda) maddəsi ilə cinayət işi açıb. Məhkəmə Mehman Xəlilov barəsində 4 ay həbs qətimkan tədbiri seçib. 0
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz