Photo TURAN.
Bakı/31.08.22/Turan: Avqustun 31-də Bakı Agır Cinayətlər Məhkəməsində Almaniyadan deport olunan Samir Aşurovun məhkəmə baxışı başlayıb.
Hakim Məhəmməd Əkbərovun sədrliyi ilə keçirilən məhkəmə prosesində vəkil Elçin Sadıqov Aşurovun ev dustaqlığına buraxılması və zərərçəkən şəxsin cərrahi əməliyyat zamanı çəkilmiş videosunun məhkəməyə təqdim edilməsi barədə vəsatətlər verib. Lakin vəsatətlər təmin edilməyib.
Aşurov ona verilən ittihamlarla razı deyil və özünü təqsirli bilmir.
Samir Aşurov bu il martın 29-da Almaniyadan deport edilib, 20 gün sonra Bakıda polis tərəfindən saxlanılıb. O, Elşən Nəbiyev adlı şəxsə bıçaq xəsarəti yetirməkdə ittiham olunur (CM-in 126.2.4-cü maddəsi - xuliqanlıq niyyətilə qəsdən sağlamlığa ağır ziyan vurma).
İyulun 21-də Aşurova qarşı Cinayət Məcəlləsinin daha bir maddəsi - 221.3 (silahdan və ya silah qismində istifadə olunan əşyalardan istifadə edilməklə xuliqanlıq törətmək) ilə ittiham irəli sürülüb.
Hüquq müdafiəçiləri Samir Aşurovu "siyasi məhbus" kimi tanıyıb. Hüquq müdafiəçiləri iddia edir ki, Aşuriovun həbsinin səbəbi onun Almaniyada Azərbaycan hakimiyyəti əleyhinə təşkil edilmiş aksiyalarad fəal iştirak etməsidir.
Növbəti məhkəmə iclası sentybarın 14-də olacaq.-0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz