"Sədərək" TM-də yanğın zamanı xəsarət alanların hamısı xəstəxanadan çıxarılıb (YENİLƏNİB)
Bakı/05.08.19./Turan: "Sədərək" Ticarət Mərkəzində dünən baş vermiş yanğınla əlaqədar "təcili yardım" həkimlərinə 16 nəfər müraciət edib. 6 nəfərə yerindəcə yardım göstərilib, bu barədə Turan-a Səhiyyə Nazirliyinin mətbuat xidmətindən bildiriblər.
Digər on nəfər (9 polis və yanğınsöndürən, həmçinin bir nəfər bazar işçisi) şəhər kliniki mərkəzinə aparılıb. Tibbi yardım göstərildikdən sonra onlar da evə buraxılıblar.
FHN-in məlumatına görə, yanğın ümumi sahəsi 1600 kv. metr olan anbarda baş verib. 900 kv. metrlik sahədə konstruksiyalar və mallar yanıb. Yanğın FHN qüvvələri tərəfindən söndürülüb.
Yanğının səbəbi və dəymiş ziyanın ölçüsü açıqlanmır. -06D-
* * *
2019 Avqust 05 (Bazar ertəsi) 11:52:30
"Sədərək" Ticarət Mərkəzində güclü yanğın
Bakı/04.08.19/Turan: Avqustun 4-də "Sədərək" Ticarət Mərkəzində güclü yanğın baş verib.
Yanğın saat 17:00-a yaxın ətriyyat məmulatlarının saxlandığı anbarda baş verib. Alovun söndürülməsinə 25-dən çox yanğınsöndürən maşın cəlb edilib.
Üç saatdan sonra yanğını lokallaşdırmaq mümkün olub. 700 kv. m. sahə yanıb, FHN bildirib.
Yeddi yanğınsöndürən tüstüdən zəhərlənib və Şəhər Kliniki Tibbi Mərkəzin toksikologiya şöbəsinə yerləşdirilib.-06D--
-
- Cəmiyyət
- 5 Avqust 2019 11:48
Cəmiyyət
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
-
Qəmər adaları vətəndaşı Məhəmməd Əhməd və Azərbaycan vətəndaşı Pərviz Quliyev Azərbaycanda "Qırmızı kitab"a düşən şahinləri ovladıqlarına görə saxlanılıblar.
-
Oktyabrın 25-də Bakıda və Abşeronda hava dəyişkən olacaq. Gün ərzində Abşeronun bəzi yerlərində yağış yağa bilər. Şimal-qərb küləyi əsəcək.
-
Oktyabrın 21-22-si Bakıda yağış bir sıra problemlərlə yanaşı, insan faciəsinə də yol açdı. Sabunçu rayonu ərazisində subasmaya məruz qalmış tuneldə iki şəxs həyatını itirdi. Halbuki Bakıda seldən ölüm halları yaxın tarixdə baş verməmişdi.
Rəy yaz