![Şəhid ailələri Prezident Administrasiyasının qarşısına toplaşıb](https://turan.az/resized/750/500/resize/media/2018/main/112700015089.jpg)
Şəhid ailələri Prezident Administrasiyasının qarşısına toplaşıb
Bakı/20.11.18/Turan: Şəhid ailələrinin 80-ə yaxın nümayəndəsi bu gün yenidən Prezident Administrasiyasının qarşısına toplaşıb. Onlar doğmalarının ölümünə görə ayrılan kompensasiyanı ala bilmədiklərindən şikayətlənirlər.
Onlar "Şəhidlərin haqqı yeyilməz!" şüarını səsləndiriblər. Bu barədə aksiya iştirakçılarından biri Toğrul Qocayev bildirib.
"Artiq 7-ci dəfədir ki, hökumətə tələblərimizi çatdırmaq, dövlətdən istəyimizi əldə etmək üçün toplanırıq. Hələ ki bir nəticə yoxdur. Məmurlar hər dəfə bizi müxtəlif vədlərlə yola salırlar", - T.Qocayev qeyd edib.
Onun sözlərinə görə, bir həftə öncə Prezident Administrasiyasından deyiblər ki, fərdi qaydada məhkəməyə müraciət etsinlər və yardım göstərəcəklərini vəd ediblər.
Bu gün şəhid ailələrinin qarşısına heç kim çıxmayıb. Hüquq- mühafizə orqanları ilə iş şöbəsi və hərbi müşavirlik telefonlara cavab verməyib.
Xatırladaq ki, bu ilin yazında dövlət başçısı İlham Əliyev 1991-97-ci illərdə Azərbaycanın ərazi bütövlüyü uğrunda üzvləri həlak olmuş şəhid ailələrinə 11 min manat birdəfəlik müavinət verilməsi barədə sərəncam imzalayıb. Sərəncm təxminən 9 minə yaxın şəhid ailəsini əhatə edir və oktyabr ayından müavinətlərin ödənişinə başlanılıb.
Ancaq ailələrin çoxuna kompensasiya verilməsindən imtina edərək deyiblər ki, əvvəllər bu vəsaiti alıblar. Polis ailələrinə də kompensasiya vermirlər. Vətəndaşların dövlət orqanlarına şikayətlərinə baxılmır.-06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz