Bakı/16.04.20/Turan: Azərbaycan Səhiyyə Nazirliyinin İctimai Səhiyyə və İslahatlar Mərkəzi yeni proqram hazırlayaraq, öz saytında yerləşdirib. Bu proqram istifadəçilərin özlərində koronavirus infeksiyasının əlamətlərini aşkar etməsinə imkan verir.
Proqram BMT-nin İnkişaf Proqramının dəstəyi ilə hazırlanıb.
İlkin özünüdiaqnostika üçün isim.az saytına daxil olmaq, orada https://www.isim.az/az/pages/65-koronavirusa-gore-ozunu-yoxla bölümünə keçmək və sorğu prinsipi ilə işləyən testi açmaq lazımdır.
İstifadəçinin icazəsini alan proqram ona suallar verir və cavablar alır, ardınca yeni suallar gəlir: istifadəçi özünü normal hiss edir, koronavirus xəstəsi ilə təmasda olub? Vətəndaşın yaşı, yaşayış yeri, cinsi haqqında suallar gəlir. Daha sonra orqanizmin temperaturu, boğazda ağrılar, ümumi zəiflik, dodaqların rəngi və s. haqqında suallar gəlir. Sorğunun yekunlarına görə proqram istifadəçini sağlam olması münasibətilə təbrik edir və ya təcili yardım üçün həkimə müraciət etməyi tövsiyə edir.
Proqram istifadəçilərin diqqətini bu resursun peşəkar diaqnostu əvəz etmədiyinə və müalicə ilə bağlı tövsiyələr vermədiyinə diqqət çəkir.
COVİD-19 xəstələrinin erkən aşkar edilməsinə kömək məqsədilə hazırlanmış resurs Azərbaycan dilindədir və Azərbaycanda istifadə üçün nəzərdə tutulub.
2020-ci il aprelin 6-da Qırğızıstanda da buna bənzər resurs hazırlanıb. Rusiyanın Primorye bölgəsində hələ 2020-ci il fevralın 4-də Çinli mütəxəssislərin iştirakı ilə belə bir proqram hazırlanıb. -0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz