Bakı/20.05.19/Turan: Səhiyyə Nazirliyi jurnalist Teymur Kərimovun anasının müalicəsi üçün pul tələb edilməsi haqqında iddialarını əsassız adlandırıb.
Mayın 18-də "Kanal-8" İnternet resursunun əməkdaşı Teymur Kərimov Səhiyyə Nazirliyi qarşısında növbəti təkbaşına aksiyasını keçirib və bunu videoya çəkib. O bildirib ki, dövlət xəstəxanasında ağır xəstə olan anasının müalicəsi üçün pul tələb edirlər.
Öz növbəsində, Səhiyyə Nazirliyi iddia edir ki, onun anası Fiqurə Kərimova 2019-cu ilin fevralında çoxsaylı mielomalar, üçüncü B mərhələ, xroniki böyrək çatışmazlığı diaqnozu ilə Hematologiya və Transfuziologiya Elmi Tədqiqat İnstitutunda dispanser uçotuna alınıb. Diaqnoz qanın ümumi laborator təhlili, biokimyəvi müayinələr, ilik müayinəsi və s. əsasında qoyulub. Müalicə kursu aparılıb və o, ambulator müalicəni davam etdirəcək. Bundan başqa, böyrək çatışmazlığı ilə əlaqədar xəstə dializ alır. -06D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz