Salim Muslimov
Səlim Müslümov ev dustaqlığına keçirilib
Bakı/26.05.22/Turan: Bakının Səbayel Rayon Məhkəməsi keçmiş əmək və əhalinin sosial müdafiəsi naziri Səlim Müslümovun barəsində həbs qətimkan tədbirini dəyişib, səhhətilə əlaqədar ev dustaqlığına keçirilməsi barədə vəsatəti təmin edib.
Ötən həftə Müslümov istintaq təcridxanasından xəstəxanaya yerləşdirilib.
Müslümov bir il öncə Dövlət Təhlükəsizliyi Xidmətinin keçirdiyi xüsusi əməliyyat zamanı həbs edilib.
Ona qarşı ağır nəticələrə səbəb olmaqla vəzifə səlahiyyətlərindən sui-istifadə etmək və külli miqdarda rüşvət almaq ittihamı irəli sürülüb.
Səlim Müslümov Əmək və Əhalinin Sosial Müdafiəsi Nazirliyinin rəhbəri olduğu dövrdə törətdiyi cinayət əməllərinə görə ittiham olunur. 06B
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz