Sərdar Babayev
Bakı/27.10.21/Turan: İlahiyyatçı, maide.az saytının baş redaktoru Sərdar Babayevə (Hacıhəsənliyə) qarşı irəli sürülmüş cinayət ittihamı saxtalaşdırılıb. Bu barədə "Azərbaycan Din Xadimləri" birliyinin üzvü, ilahiyyatçı Cəlal Şəfiyevin bəyanatında deyilir.
O hesab edir ki, Babayevin həbsinin əsl səbəbi maide.az saytında İranın ali dini lideri, ayətullah Əli Əkbər Xameneyinin çıxışlarını və kitablarını dərc etməsidir.
Şəfiyevin sözlərinə görə, Babayev MDB-də Xameneyinin şəxsən əmmamə verdiyi ilk tələbədir.
Bundan başqa, Babayev şəxsən Xameneyidən müctəhid (islamda din məsələləri ilə bağlı şərh verməyə imkan verən ən yüksək elmi dərəcə) kimi müəyyən dini məsələləri icra etmək üçün icazə alıb.
Şəfiyevin fikrincə, Babayevi Xameneyinin Azərbaycan-İran münasibətlərində gərginliklə bağlı məlum bəyanatı ilə əlaqədar həbs edilib.
Şəfiyev hesab edir ki, Babayevin həbsi Xameneyiyə qarşı yönəlmiş addımdır.
Babayev oktyabrın 19-da saxlanılıb. Sonradan məlum olub ki, ona qarşı CM-in 274-cü (dövlətə xəyanət) maddəsi ilə cinayət ittihamı irəli sürülüb.
Son bir həftə ərzində daha bir neçə şiə ilahiyyatçı qısa müddətlik saxlanılıb. -06D-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz