Açiq mənbələrdən foto.
Sərhədçilər 63 kiloqram narkotik maddəni keçirməyə cəhd edən narkokuryerləri saxlayıblar
Bakı/11.03.22/Turan: Martın 9-da Cəbrayıl rayonunun Marallı kəndi yaxınlığında Azərbaycan sərhədçiləri 63 kiloqramdan çox narkotik maddəni keçirməyə cəhd edən narkokuryer qrupunu saxlayıblar.
Dövlət Sərhəd Xidmətinin 11 mart tarixli məlumatında deyilir, İran tərəfdən dörd sərhəd pozucusu görünüb. Onlar “Dayan!” əmrinə məhəl qoymayıblar. Sərhəd pozucularından biri geriyə, üç nəfər isə Azərbaycan tərəfə qaçıb.
Martın 10-da bir nəfər həmin yerə gələrək gizlədilmiş kisələri götürüb. O, Beyləqan sakini Mehman Abdullayev olub. Kisələrdə 35 kiloqramdan çox heroin, 14 kiloqram metamfetamin, 13 kiloqram marixuana, 55 qram tiryək və 1970 psixotrop həb olub.
Azərbaycan tərəfə qaçan üç nəfər martın 11-də saxlanılıb. Onlar İran vətəndaşları Əkbər Quluzadə, Malik Bagiri və Əli Əsədidir.
Faktla bağlı araşdırma aparılır.-05D-
Cəmiyyət
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
Rəy yaz