Əfqan Sadıqov. Açiq mənbələrdən foto.
Bakı/26.11.20/Turan: Jurnalist Əfqan Sadıqov 23 gündür ki, aclıq edir və dördüncü gündür ki, su içməkdən də imtina edir. Bu barədə onun həyat yoldaşı Sevinc Sadıqova bildirib.
"Əfqan faktiki olaraq ölümün astanasındadır. Əgər o ölsə, buna görə məsuliyyət hakimiyyətin üzərinə düşəcək və ölkənin imicinə xələl gələcək ", - o deyib və qeyd edib ki, apellyasiya şikayətinə baxılması davam edir.
Onun sözlərinə görə, noyabrın 30-da hakim heyəti təyin olunacaq və həmin heyət 15 iş günü ərzində şikayətə baxılması tarixini təyin edəcək. Bu səbəbdən Sadıqova Bakı Apellyasiya Məhkəməsiin qarşısında etiraz aksiyası keçirmək niyyətindədir.
Penitensiar Xidmətdən şərh almaq mümkün olmayıb.
* Azel.TV-nin rəhbəri Əfqan Sadıqov bu ilin mayında hədə yolu ilə tələb etmək ittihamı ilə həbs edilib. Noyabrın 3-də məhkəmə onu yeddi il müddətinə azadlıqdan məhrum edib. O, hökmü ədalətsiz sayaraq noyabrın 4-dən aclıq elan edib.16D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz