Açiq mənbələrdən foto.
Bakı/22.11.21/Turan: Noyabrın 24-də günün ikinci yarısından etibarən 25-i günortaya qədər Bakıda və Abşeron yarımadasında şimal-qərb küləyinin saniyədə 15-20 metrə, arabir 23-25 metrə, bəzi yerlərdə 28 metrə qədər güclənəcəyi gözlənilir, havanın temperaturu əvvəlki günlərlə müqayisədə 5-7 dərəcə aşağı düşəcək. Bu barədə Ekologiya Nazirliyinin Milli Hidrometeorologiya Xidmətinin bu gün yaydığı xəbərdarlıqda deyilir.
Ölkənin rayonlarında noyabrın 25-dən 27-nə qədər yağış yağacağı, bəzi yerlərdə intensiv olacağı, dağlara qar yağacağı gözlənilir.
Noyabrın 24-də axşam saatlarından 25-nə qədər qərb küləyi saniyədə 15-20 metrə, bəzi yerlərdə 23-28 metrə qədər güclənəcək. Havanın temperaturu əvvəlki günlərlə müqayisədə 5-10 dərəcə aşağı düşəcək. Çaylarda sululuğun artacağı ehtimal olunur. –06D-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz