Eyvaz Yahyaoğlu
Bakı/19.05.22/Turan: Mayın 18-də Şirvan Apellyasiya Məhkəməsi hakim Rafiq Cəfərovun sədrliyi ilə bloger, Azərbaycan Milliyyətçi Demokrat Partiyasının fəalı Eyvaz Yahyaoğlunun şikayətini təmin etməyib, birinci instansiya məhkəməsinin qərarını qüvvədə saxlayıb. Bu barədə Turan-a blogerin üzvü olduğu Milliyyətçi Demokrat Partiyasından bildiriblər.
Xatırladaq ki, Şirvan şəhər Məhkəməsi 10 may tarixli qərarı ilə blogeri İnzibati Xətalar Məcəlləsinin 531.1 maddəsi (polisin qanuni tələbinə tabe olmamaq) ilə təqsirli bilərək 28 sutka inzibati həbsə məhkum edib.
Məhkəmənin qərarına əsasən, Yahyaoğlu mayın 9-da "Şirvan şəhər polis şöbəsinin inzibati binası qarşısında polis əməkdaşlarının qanuni tələblərinə qəsdən tabe olmayıb".
Amma məhkəmə Yəhyaoğlunun ilk çağırışda özünün polis şöbəsinə gəlməsi haqqında ifadəsini diqqətə almayıb. Blogerin sözlərinə görə, polis şöbəsinin həyətində üç nəfər ona yaxınlaşıb və güc tətbiq edərək, onun növbətçi hissəyə aparıblar və orada təhqir ediblər.
Birinci instansiya məhkəməsi bu ifadələri araşdırmayıb. Məhkəmə yalnız polis əməkdaşlarının ifadələri əsasında Yəhyaoğlunu həbs edib. Müdafiə tərəfi iş materiallarındakı ziddiyyətlərə diqqət çəkib. Belə ki, polisin protokolunda blogerin mayın 9-da saxlanıldığı, 10-da isə "sərbəst buraxıldığı" bildirilir, amma belə bir şey olmayıb.
Bundan başqa, fəal ilk dəfə inzibati məsuliyyətə cəlb edildiyi üçün məhkəmə alternativ cəza - cərimə tətbiq edəcəyi halda həbs cəzası verib. Yəhyaoğlu həbsini sosial şəbəkələrdə tənqidi reportajları ilə əlaqələndirib.
Amma Apellyasiya Məhkəməsi bütün bu təfərrüatı nəzərə almayıb və hökmü qüvvədə saxlayıb.
İnzibati işlərdə Apellyasiya Məhkəməsi ən yuxarı instansiya olduğuna görə indi müdafiə tərəfi Avropa İnsan Hüquqları Məhkəməsinə şikayət verəcək.
Blogerin həmkarları onun Youtube-da "Şirvan TV Eyvaz Eloğlu" kanalındakı paylaşımlarına görə təqib edildiyi qənaətindədirlər.
Qeyd edək ki, həbsdən sonra blogerin bu səhifəsindəki reportajlar silinib.
"Sərhədsiz Reportyorlar" və Reportyorların Azadlıq və Təhlükəsizlik İnstitutu Yəhyaoğlunun həbsini pisləyib. 03B06
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz