Siyasi məhbus aclığa başlayıb

Bakı/20.08.20/Turan: 6 saylı koloniyada saxlanılan Emin Saqiyev avqustun 18-də aclıq aksiyasına başlayıb. Bu barədə Turan-a onun yaxınları bildiriblər.

E.Saqiyev 2017-ci ilin noyabrında həbs edilib, 2018-ci ildə isə külli miqdarda narkotik maddənin qanunsuz dövriyyəsi ittihamı ilə 7 il müddətinə həbs edilib.

Ali Məhkəmə onun hökmdən kassasiya şikayətini təmin etmədikdən sonra E.Saqiyev aclığa başlayıb.

Lakin yerli hüquq müdafiəçiləri əmindirlər ki, onu siyasi mühacir Türkel Azərtürkün jurnalist fəaliyyətinə görə cəzalandırıblar. Sonuncu bir neçə ildir ki, Avropada yaşayır. O, Azərbaycan hakimiyyətini kəskin tənqid edən “Azərbaycan saatı” İnternet resursun əməkdaşı olub.

Bu ilin fevralında bildirib ki, Hollandiya polisi onu naməlum şəxslər tərəfindən izlənməsi barədə xəbərdar edib və ehtiyatlı olmağa çağırıb. Azərtürk əmindir ki, onlar Azərbaycan hakimiyyətinin agentləri olub və onunla haqq-hesab çəkmək üçün göndərilib. Buna qədərsə ona dəfələrlə xəbərdarlıq ediblər ki, əgər tənqidlərə son qoymasa, Azərbaycandakı yaxınları və özü zərər çəkəcək.-0-