Prokurorluq öz KİV-ləri üçün “dostlar klubu”dur

Bakı/20.08.20/Turan: Ölkənin digər hüquq-mühafizə orqanları kimi prokurorluq da uzun illərdir KİV haqqında qanunu pozur və cinayət işləri barədə məlumatları özəl formada “öz jurnalistlərinə” təqdim edir.

Və indi də Kürdəmir rayonunda prokurorluğun xüsusi əməliyyatı barədə bu qurumun saytında bir sətir belə yoxdur. Ancaq bir sıra hökumətyönlü KİV rayon İcra Hakimiyyəti başçısının, onun müavinlərinin həbsi barədə məlumat veriblər. Bundan əlavə, bu KİV-lər onlara qarşı hansı ittihamların irəli sürüldüyünü, CM-in hansı maddələrilə ittiham olunduqlarını yazırlar.

Baş Prokurorluğun mətbuat xidməti Turan agentliyinin sorğusuna cavab olaraq bu yazıları təsdiq və ya təkzib etməkdən imtina edib. “İstintaqın detalları haqda məlumatı mətbuata kim verib?” sualına mətbuat xidməti cavab verə bilməyib.

Formal olaraq istintaq materiallarının açıqlanması baş verir ki, bu da cəzalandırılan əməldir. Bəs niyə indiki halda prokurorluq əlini əlinin üstünə qoyub oturub? Halbuki, indiyədək baş prokurorun müavini səviyyəsində prokurorluq müstəqil və müxalifətyönlü jurnalistləri dəfələrlə dindirməyə çağırıb, istintaq sirrini bundan sonra da açıqlayacaqları halda, cinayət təqibi ilə hədələmişdi. Bəs niyə indi prokurorluq susur?

Ümid vardı ki, yeni baş prokurorun gəlişi ilə vəziyyət dəyişəcək və vəd edilən islahatlar bu qüsurlu praktikanı dəyişəcək, amma görünür, bu, olmayacaq. Azərbaycan atalar sözündə deyildiyi kimi: “Köhnə hamam, köhnə tas”. -0-