Açiq mənbələrdən foto.
Bakı/19.09.22/Turan: Hacı Zeynalabdin Tağıyev qəsəbəsində (keçmiş Nasosnı) bir neçə artilleriya, tank və minaatan mərmisi aşkar edilib. Bu barədə sentyabrın 19-da Fövqəladə Hallar Nazirliyi və Baş Prokurorluğun birgə məlumatında deyilir.
Əsasən bunlar 88 ədəd 56 millimetrlik raket mərmisi, 1 ədəd 70 millimetrlik raket mərmisi, 6 ədəd 122 millimetrlik OF-56 top mərmisi, 1 ədəd 152 millimetrlik OF-29 top mərmisi, 1 ədəd 125 millimetrlik OF-26 tank mərmisi, 5 ədəd BM-15 tank mərmisi və 1 ədəd 82 millimetrlik minaatan mərmisidir.
Təqdim olunan fotolardan görünür ki, bu arsenal uzun müddət torpaqda qalıb və metal qırıntılarına bənzəyir. Çox güman ki, bunlar sovet ordusunun bu ərazidə yerləşmiş keçmiş hərbi hissələrinin ehtiyatlarıdır. 0
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz