Samir Aşurov
Bakı/10.08.23/Turan: Şüvəlandakı istintaq təcridxanasında Almaniyadan çıxarıldıqdan sonra həbs edilən fəal Samir Aşurovun vəziyyəti kəskin pisləşib. Bu barədə "Turan"a onun həyat yoldaşı Nuranə Aşurova məlumat verib.
Onun sözlərinə görə, şəkərli diabetin kəskinləşməsi ilə əlaqədar onun ayaqlarında yaralar yaranıb, lazımi müalicə aparılmasa, bu, qanqrenaya səbəb ola bilər.
Bundan başqa, S.Aşurov ürək xəstəliyindən əziyyət çəkir və son vaxtlar onda ürək döyüntüsü (aritmiya) müşahidə olunur.
Aşurova qeyd edib ki, Aşurovun müalicə üçün Penitensiar Xidmətin Müalicə Müəssisəsinə köçürülməsinin zəruridir.
“Almaniyada Samir şəkərli diabet xəstəsi kimi tibb müəssisəsində qeydiyyatda idi və müntəzəm müalicə alırdı. İstintaq təcridxanasında o, ancaq dərman qəbul edir, lakin qanında şəkərin səviyyəsini belə ölçmürlər”.
“Samir 11 nəfərlik kiçik kamerada saxlanılır. Oraya Günəş işığı düşmür və havalandırılmır. Su normal verilmir, tualetdə antisanitariyadır”, - deyə Aşurova bildirib.
O, S.Aşurovun məhkəməsinin əsassız olaraq (bir ilə yaxındır) yubanmasını da qeyd edib.
Penitensiar Xidmətdən şərh almaq mümkün olmayıb.
** Samir Aşurov bu il martın 29-da Almaniyadan çıxarılıb. 20 gün sonra isə Bakıda polis tərəfindən saxlanılıb. O, Elşən Nəbiyevə bıçaqla xəsarət yetirməkdə (CM-nin 126.2.4-cü – xuliqanlıq məqsədilə qəsdən sağlamlığa ağır zərər vurma) ittiham olunub. Onu 6 ildən 11 ilə qədər həbs gözləyir.
İyulun 21-də Aşurov Cinayət Məcəlləsinin digər maddəsi - 221.3-cü (silahdan və ya silah qismində istifadə edilən əşyadan istifadə etməklə xuliqanlıq) ittiham olunub.
Hüquq müdafiəçiləri Aşurovu “siyasi məhbus” kimi tanıyıblar və hesab ediblər ki, təqibin əsl səbəbi onun insan hüquqlarının pozulmasına qarşı etiraz aksiyalarında iştirakı olub. 30В03
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz